Hramadstva3232

«Ja nie źbirajusia apraŭdvacca pierad žycharami inšaj krainy!» Salist «Piatli prychilnaści» adkazaŭ na chejt z boku rasijan

«Ja nie źbirajusia apraŭdvacca pierad žycharami inšaj krainy za tuju movu, jakuju vykarystoŭvaju, źjaŭlajučysia hramadzianinam Respubliki Biełaruś», — tak salist hurta «Piatla prychilnaści» Ilja Čarapko-Samachvałaŭ adkazaŭ na chvalu chejtu ŭ bok hurta paśla vychadu novaha alboma «Supierpazicyja», piša Reform.news.

Ilja Čarapko-Samachvałaŭ. Fota z sacsietak

Premjera całkam biełaruskamoŭnaha alboma, jakaja adbyłasia ŭčora na muzyčnych anłajn-placoŭkach, niečakana spravakavała chvalu abureńnia ŭ častki rasijskaj publiki. U sacsietcy VKontaktie ŭ adras kalektyva pasypalisia abrazy i paproki.

«Nie razumieju, adkul karani hetaj pahardy da biełaruskaj movy? My ni ŭ nikoha nie pavinny pytać dazvołu. My — biełaruski hurt i heta naša poŭnaje prava! — muzykant byŭ ščyra ździŭleny i aburany takoj reakcyjaj ad častki ruskamoŭnaj aŭdytoryi. — A kali b my zaśpiavali na anhlijskaj movie? Ci naziraŭsia b taki chejt?! Ja ŭpeŭnieny, što nie. Ale ŭ dačynieńni biełaruskaj movy takoje dapuskajecca!» — prakamientavaŭ jon situacyju na spantannaj sustrečy z prychilnikami.

«Kali my stvarajem niešta, to robim heta, sychodziačy z našaha ŭnutranaha žadańnia, — adkazaŭ muzyka na pytańnie nakont taho, ci ŭličvaje hurt mahčymyja ryzyki straty peŭnaj častki aŭdytoryi. —

Dla nas heta nie kanjunktura, a ŭnutranaje pamknieńnie jak tvorčych adzinak. Kali my zachočam zrabić albom na ruskaj movie, my jaho zrobim. Zaraz my paličyli važnym stvaryć albom na biełaruskaj movie. My — hramadzianie Respubliki Biełarusi, a nie Rasijskaj Fiederacyi, paŭtarusia. Voś i adkaz na ŭsie pytańni».

Ilja spadziajecca, što bolšaść rasijskich słuchačoŭ hurta «Piatla prychilnaści» ŭsio ž maje inšuju pazicyju, čym chejtary z VKontaktie.

«A tyja, chto ad nas adpisalisia — my hetamu rady. My nie žadajem, kab nas słuchali šavinisty», — kaža muzyka.

Kamientary32

  • nie taki, jak jość
    26.10.2024
    "Ja nie źbirajusia apraŭdvacca pierad žycharami inšaj krainy za tuju movu, jakuju vykarystoŭvaju" - "Ja nie budu pisać pieśni pa-biełarusku, bo jany drenna forsiacca" - chto ź ich biełarus?!
  • Imia
    26.10.2024
    Uff... Nie parvali suviaziaŭ z russkim mirom tvorčyja adzinki!
  • usio što treba viedać pra Maskoŭskich impiercaŭ
    26.10.2024
    Ja nie źbirajusia apraŭdvacca pierad "IDIŁ u śniezie". usio što treba viedać pra Maskoŭskich impiercaŭ , jany usie adnolkavyja pačynajučy z navałnych i da duhina z puškinym

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA24

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Usie naviny →
Usie naviny

Aŭtamabil pad Minskam sutyknuŭsia adrazu z tryma łasiami1

Ad zaŭtra znoŭ pačnie chaładać2

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh2

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

Ministr abarony Izraila pryhraziŭ, što žychary Tehierana chutka zapłaciać za iranskija ataki na žyłyja kvartały2

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA24

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić