Evakujavali razam ź siamjoj byłoha palitźniavolenaha Hleba Ramanava
Pra paśpiachovuju evakuacyju Hleba Ramanava paviedamiŭ u svaich sacsietkach kiraŭnik Fonda salidarnaści «Bajsoł» Andrej Stryžak.
Hleb Ramanaŭ u žniŭni 2020 hoda razam ź inšymi žycharami Bresta vychodziŭ na mirny pratest. Tady jaho zatrymali, prasudzili 3 sutak u IČU i vypisali štraf 10 bazavych adzinak.
Ale na hetym nie skončyłasia. Nieŭzabavie pa mužčynu znoŭ pryjšli, užo pa kryminalnaj spravie ab masavych biesparadkach. Spačatku Hleb znachodziŭsia pad chatnim aryštam, ź jakoha vyrašyŭ uciačy. Adnak sproba akazałasia niaŭdałaj, Ramanava zatrymali na biełaruska-litoŭskaj miažy i adpravili ŭ SIZA. A paśla dali 3,5 hoda pazbaŭleńnia voli ŭ kałonii ŭzmocnienaha režymu.
U lipieni Hleb Ramanaŭ vyjšaŭ na volu.
«Ale navat paśla vyzvaleńnia ja nie moh rassłabicca z-za stałaha kantrolu: mianie pastavili na ŭsie mahčymyja ŭliki ŭ milicyi i abmiežavali ŭ pravach, jak «schilnaha da ekstremizmu», — raskazvaje jon pra siabie.
Tamu ŭrešcie źviarnuŭsia ŭ «Bajsoł» pa dapamohu pa evakuacyi, jakaja ŭrešcie zaviaršyłasia pośpiecham. Razam ź im Biełaruś pakinuli žonka, dačka i syn, jaki naradziŭsia akurat u tyja dni, kali ŭ baćki pačalisia prablemy.
Dla dapamohi Hlebu Ramanavu ŭładkavacca na novym miescy «Bajsoł» abjaviŭ hrašovy zbor.
Kamientary