Samaja darahaja kvatera, pradadzienaja ŭ minułym miesiacy ŭ Minsku, abyšłasia pakupniku ŭ 380 tysiač dalaraŭ.
Kvatera raźmieščana ŭ elitcy na vulicy Kisialova, 17 la Asmałoŭki.
Budaŭnictva doma «Siezony» pačałosia jašče ŭ 2004 hodzie, a praź niekalki hadoŭ budoŭlu zamarozili. Tolki praz 13 hadoŭ dom uviali ŭ ekspłuatacyju pry dapamozie horada.
Tut abiacali vialikija kvatery ad 170 da 600 kvadratnych mietraŭ, a ŭsiaho ich płanavałasia 48 na 4 padjezdy. Pry hetym u pieršyja hady budaŭnictva kvatery pradavalisia pa 2500—3500 dalaraŭ za mietr, a paźniej vystaŭlalisia na aŭkcyjonach aryštavanaj majomaści pa 1100—1300 dalaraŭ.
Nabytaja tut kvatera ŭ vieraśni była biez unutranaha azdableńnia i sa svabodnaj płaniroŭkaj, a ahulnaja płošča skłała 305 kvadratnych mietraŭ. Abyšłasia jana pakupniku ŭ 380 tysiač dalaraŭ, što ekvivalentna 1247 dalaram za kvadratny mietr.
Kamientary