Nastaŭnikaŭ prymušajuć paviedamlać, čym jany zaniatyja na «fortačkach»
U niekatorych škołach uvodziać novuju inicyjatyvu — žurnały pieramiaščeńnia rabotnikaŭ. U ich abaviazvajuć adznačacca, kali ŭ volny čas pamiž urokami piedahohi pakidajuć navučalnuju ŭstanovu.
U redakcyju Tochka.by źviarnulisia nastaŭniki adnoj sa škoł u Minskaj vobłaści. Tam žurnał «fortačak» uviali ŭ kancy vieraśnia.
Faktyčna dla piedahohaŭ hety čas ličycca rabočym. Ale jany ździŭlajucca: čamu paŭstała nieabchodnaść strohaj spravazdačy? Ci pavinny nastaŭniki paviedamlać, čym zajmajucca pamiž zaniatkami?
Redakcyi Tochka.by pieradali dakumient sa škoły ŭ Słuckim rajonie.
Piedahohaŭ abaviazvajuć adznačycca ŭ žurnale pieramiaščeńnia, pakazaŭšy pryčynu adsutnaści: nadomnaje navučańnie z vučniem, supravadžeńnie navučencaŭ na ekskursiju, naviedvańnie siemjaŭ i hetak dalej.
Faktyčna padčas «fortačak» nastaŭnikaŭ prymušajuć zastavacca ŭ ścienach škoły, kali niama dadatkovaj nahruzki za jaje miežami.
Piedrabotniki da takich novaŭviadzieńniaŭ pastavilisia, miakka kažučy, admoŭna.
«U mianie jość niekalki «fortačak» na praciahu tydnia. Časam ja praviaraju sšytki, a byvaje, navat paśpiavaju źbiehać dadomu paabiedać abo adłučycca pa asabistych spravach. Z našaj vialikaj nahruzkaj, kali ŭžo i zdarajecca taki volny čas, čamu ja nie mahu pravieści jaho na svajo mierkavańnie, biez strohich abaviazkovych spravazdač?» — zadajecca pytańniem nastaŭnik.
Pra jakija-niebudź dyscyplinarnyja miery za admovu ad zapisu ŭ žurnale ruchaŭ nie viadoma. Inicyjatyva źjaviłasia niadaŭna, pakul praktyka jašče nie adpracavanaja.
Minadukacyi admaŭlaje rekamiendacyi
Tochka.by źviarnułasia ŭ Minadukacyi. Tam patłumačyli, što heta nie ich inicyjatyva.
«Rasparadžeńni (rekamiendacyi) Ministerstva adukacyi pa pytańni zapisu ŭ žurnale pieramiaščeńnia nastaŭnikaŭ z ukazańniem pryčyny ich adsutnaści, kali niama ŭrokaŭ, va ŭstanovy adukacyi nie nakiroŭvalisia», — adkazali ŭ viedamstvie.
Raskład zaniatkaŭ składajuć z ulikam sanitarna-epidemijałahičnych patrabavańniaŭ, jano zaćviardžajecca kiraŭnikom škoły. Jak adznačyli ŭ profilnym viedamstvie, u piedahohaŭ sapraŭdy časam moža być volny čas pamiž urokami.
Pry hetym u Minadukacyi padkreślili, što kantrol za vykanańniem nastaŭnikami svaich słužbovych abaviazkaŭ vykonvaje dyrektar škoły.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram30
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary