Rabotnik BT: Kali terminovy siužet, a ekśpierta nie znajšli, u kadr siadaje mantažor, i ty padpisvaješ jaho «palitołah»
Były televiadučy i palitźniavoleny Dźmitryj Łukša ŭ druhoj častcy TOKu raskazaŭ pra praktyku stvareńnia pastanovačnych rolikaŭ na biełaruskim telebačańni.
Zhadvajučy svaju pracu na biełaruskim telebačańni, Dźmitryj Łukša raskazaŭ, jak u kadr traplali ludzi, jakich vydavali za inšych.
«Tak zdarałasia ŭ vypadku, kali [treba źniać] vielmi terminovy siužet. Ty prosta nie paśpiavaješ znajści niejkaha ekśpierta. I banalna moh znajścisia niejki inžynier mantažu. Jaho pastavili, padpisali «Andrej Andrejeŭ, palitołah». I ty jamu havoryš, što treba skazać».
«Heta było praź śpiešku. Choć heta taksama niapravilna», — zaŭvažaje były betešnik i śćviardžaje, što sam jon takoha nie rabiŭ.
«Ja idu pa mantažcy i baču, što zapisvajuć jakoha-niebudź našaha režysiora. Što zdaryłasia? Potym hladžu jaho pa telebačańni, i jon vystupaje jak palitołah. Byli momanty, kali ty nie zmoh znajści niejkaha čałavieka, sadziš svajho znajomaha śpinaj i ź im zapisvaješ intervju z pazicyi, što heta ŭdzielnik padziej. Heta zdarałasia», — praciahvaje Łukša.
Jon kaža, što pamiataje momanty, kali kiraŭnictva sprabavała heta spynić: «Nu ŭsio, chłopcy, zakančvajcie. Niešta šmat u nas havoračych śpin u kadry». Ale heta było raspaŭsiudžana, na žal».
***
Dźmitryj Łukša naradziŭsia ŭ 1989 hodzie. U kancy 2000-ch i pieršaj pałovie 2010-ch pracavaŭ na BT, byŭ viadučym «Zony Ch».
U 2020 zdymaŭ pratesty dla kazachstanskaha telekanała «Chabar». U 2022 byŭ aryštavany i prysudžany da 4 hadoŭ źniavoleńnia za ŭdzieł u demanstracyjach i «dyskredytacyju Biełarusi». Razam ź im była asudžanaja jaho žonka Palina Pałavinka. Adbyvaŭ pakarańnie ŭ kałonii ŭ Škłovie.
Vyzvaliŭsia 3 lipienia 2024 hoda pa pamiłavańni adnačasova z žonkaj, paśla čaho siamja źjechała ŭ Polšču.
Hladzicie całkam:
«Tur — jakasnaja prapahanda. A Azaronak… Moj susied mienš paskudnych słoŭ kaža»
«Ja pamiataju svoj šok, a mnie kažuć: «Złamali». Łukša raskazaŭ, jak zapisvali videa z Kastusiovym paśla vybaraŭ-2010
Łukša raskazaŭ pra svoj udzieł u prapahandysckim filmie «Małady front. Kidnepinh»
«A vy pryčosku papravić zajšli?» Łukša raskazaŭ, jak śmiarotna pakryŭdziŭ Markava
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA49
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary