«Skazała im «Žyvie Biełaruś!» Jak delehacyi Cichanoŭskaj i aficyjnaha Minska pierasieklisia na Hienasamblei AAN u Ńju-Jorku
Z 22 pa 27 vieraśnia ŭ Ńju-Jorku prachodzić 79-ja siesija Hienieralnaj Asamblei AAN. U mierapryjemstvie pryniała ŭdzieł lidarka demakratyčnych sił Biełarusi Śviatłana Cichanoŭskaja. Aficyjny Minsk pradstaŭlali členy Savieta Respubliki — eks-kiraŭnik MZS Siarhiej Alejnik i były ministr justycyi Siarhiej Chamienka. «Lusterka» daviedałasia, ci pierasiakalisia darohi dźviuch delehacyj.
Šlachi demakratyčnaj lidarki Biełarusi i členaŭ Vierchniaj pałaty biełaruskaha parłamienta na Hienasamblei pierasiakalisia niekalki razoŭ, raspavioŭ dypłamatyčny daradca Śviatłany Cichanoŭskaj Dzianis Kučynski.
— Na kantakt delehacyja Łukašenki nie pajšła, choć my i byli adkryty dla hetaha, — raspavioŭ Kučynski. — Apošni raz my bačylisia, kali jany [Alejnik i Chamienka] spuskalisia ŭniz pa eskałatary, a Śviatłana Cichanoŭskaja padnimałasia ŭvierch. Raźminucca było niemahčyma.
Pa słovach Kučynskaha, Cichanoŭskaja pryvitała aficyjnych biełaruskich parłamientaryjaŭ.
— Śviatłana skazała im «Žyvie Biełaruś!», a jany ŭ adkaz uchmylnulisia, adviarnulisia i pajechali dalej uniz, — sa śmiecham kaža Kučynski.
Aficyjny telehram-kanał Śviatłany Cichanoŭskaj piša, što padčas Hienieralnaj Asamblei AAN palityk sustrełasia ź lidarami i kiraŭnikami MZS bolš za 40 krain.
Ab dypłamatyčnych pośpiechach pradstaŭnikoŭ aficyjnaha Minska viadoma mała — dziaržaŭnaje telebačańnie tolki paviedamiła ab vystupleńni z aficyjnaj trybuny AAN namieśnika staršyni Savieta Respubliki Siarhieja Chamienki.
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
-
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary