Piensijanier z Hrodna svoječasova adhavaryŭ žonku — jana chacieła addać ašukancam 120 tysiač rubloŭ
Hrodzienskim mižrajonnym adździełam Śledčaha kamiteta ŭstanaŭlivajucca abstaviny zamachu na internet-machlarstva.
16 vieraśnia 78-hadovaj žycharcy abłasnoha centra patelefanavaŭ nieviadomy. Mužčyna pradstaviŭsia supracoŭnikam finansavaj milicyi i paviedamiŭ, što na imia piensijanierki aformleny kredyt na 38 tysiač rubloŭ, piša Newgrodno.by.
Zrazumieła, apošniaja patłumačyła, što sama ničoha nie afarmlała. Dalej łžesupracoŭnik paviedamiŭ, što hrošy buduć vykradzienyja i pieraviedzienyja za miažu, udakładniŭ ci majucca ŭ piensijanierki najaŭnyja srodki. Atrymaŭšy stanoŭčy adkaz, złamyśnik skazaŭ, što ŭsie hrošy nieabchodna zadekłaravać šlacham pieravodu na pakazany im kart-rachunak.
Adnak płanam machlara ŭ hety raz nie nakanavana było spraŭdzicca.
Muž piensijanierki zaŭvažyŭ jaje nienaturalnyja pavodziny. Apošniaja niervavałasia, pry hetym stała źbirać usie siamiejnyja źbieražeńni. Mužčyna zrazumieŭ, što niešta adbyłosia. Paśla čaho žonka raspaviała ŭsiu historyju. Muž uśviadomiŭ, što heta ašukancy, pra što i paviedamiŭ u milicyju.
Varta adznačyć, što telefonnyja razmovy vialisia z žančynaj z roznych abanienckich numaroŭ. Pry hetym ni asablivaja sakretnaść taho, što adbyvajecca, ni śpiešnaść pieradačy hrašovych srodkaŭ nie naściarožyli paciarpiełuju. I tolki dziakujučy pilnaści muža straty siamiejnych źbieražeńniaŭ udałosia paźbiehnuć. Usiaho davierlivaja žycharka abłasnoha centra źbirałasia pieradać złamyśnikam 120 tysiač rubloŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary