Biełaruska raskazała, navošta vydaje ŭ Kanadzie rodnuju litaraturu pa-anhlijsku
Biełaruskaja pierakładčyca Volha Janoŭskaja zasnavała ŭ Kanadzie vydaviectva Grunwald Publishing, kab drukavać rodnuju litaraturu na anhlijskaj movie.
Grunwald Publishing, vydaviectva Janoŭskaj, źjaviłasia ŭ 2023-m. A dva miesiacy tamu atrymałasia vydać pieršuju knihu — pierakład apovieści «Dźvie dušy» Maksima Hareckaha, jakuju Volha nazyvaje ikaničnaj. Heta historyja pamieščyka Ihnata Abdzirałoviča, jaki apynuŭsia paśla revalucyi ŭ viry asabistych i hramadskich pieramien. Volha asabliva adznačaje, što hety tvor vydatna adlustroŭvaje pošuki identyčnaści — važnaja tema i dla biełarusaŭ, i dla mihrantaŭ va ŭsim śviecie.
U zvyčajnym žyćci Janoŭskaja pracuje śpiecyjalistkaj pa markietynhu, pa adukacyi jana antrapołah.
«Pakul što ja finansuju vydaviectva samastojna i kiruju bolšaściu pracesaŭ. My novyja ŭ hetaj śfiery i vyznačajem najlepšy padychod, asabliva ŭ pytańniach markietynhu i raspaŭsiudu.
Kniha prachodzić praciahły šlach, pierš čym trapić da čytača: ad vybaru tvora i jaho pierakładu da redahavańnia, afarmleńnia i padrychtoŭki da druku. My spadziajemsia pryciahnuć bolš ludziej i adnadumcaŭ i nieŭzabavie pavialičyć tempy pracy. Naša meta — aktyŭna raźvivacca, kab mieć mahčymaść vydavać bolš biełaruskich tvoraŭ i znajomić ź imi anhłamoŭnuju aŭdytoryju».
Janoŭskaja płanuje raspaŭsiudžvać papiarovyja i elektronnyja knihi ad Grunwald Publishing praź vialikija anłajn-kramy nakštałt Amazon, Barnes & Noble, Indigo, Everand i Apple Books. Taksama Volha choča pracavać ź biblijatekami, NDA i navučalnymi ŭstanovami — dla ich jana navat hatovaja dasyłać biełaruskija knihi biaspłatna.
Grunwald Publishing užo rychtujuć da druku novyja knihi — siarod ich buduć tvory Maksima Bahdanoviča i Mikoły Husoŭskaha. Ale sučasnych biełaruskich aŭtaraŭ Volha taksama vitaje — achvočym vydać knihu možna źviartacca pa heta ŭ vydaviectva.
Nastupnym prajektam budzie ilustravanaja kniha «Šlachcic Zavalnia» Jana Barščeŭskaha. Janoŭskaja hatovaja pracavać z roznymi žanrami:
«My płanujem vydavać jak kłasičnyja, tak i sučasnyja tvory, napisanyja biełarusami, na biełaruskaj movie ci pra biełarusaŭ. Heta datyčycca nie tolki mastackaj litaratury, ale i dakumientalnych knih, jakija mohuć dać lepšaje razumieńnie našaj kultury i historyi.
Što da popytu i raspaŭsiudu, pakul rana rabić vysnovy, bo my tolki pačynajem svaju dziejnaść. Adnak užo vidać zacikaŭlenaść z boku čytačoŭ, jakija chočuć adkryć dla siabie biełaruskuju litaraturu. My spadziajemsia, što z rostam papularnaści našych vydańniaŭ cikavaść da biełaruskaj kultury budzie tolki pavialičvacca».
Nabyć «Dźvie dušy» ad Grunwald Publishing možna tut.
«Naša Niva» — bastyjon biełaruščyny
PADTRYMAĆ
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary