Roŭna 25 hadoŭ tamu biasśledna źnikli Viktar Hančar i Anatol Krasoŭski
Imavierna, jany byli zabityja ŭ toj ža dzień.
16 vieraśnia 1999 hoda źnikli bieź źviestak biełaruski palityk, były staršynia CVK Viktar Hančar i pradprymalnik Anatol Krasoŭski. Imavierna, jany byli zabityja ŭ toj ža dzień. Hančaru byŭ 41 hod, Krasoŭskamu — 47.
Hančar i Krasoŭski viečaram taho dnia pajechali ŭ łaźniu ŭ Minsku i nie viarnulisia dachaty. Paźniej na miescy, dzie, jak miarkujecca, adbyłosia vykradańnie, znajšli askiepki škła aŭtamabila i ślady kryvi.
U 2019 hodzie Juryj Haraŭski, jaki nazvaŭ siabie bajcom biełaruskaha «eskadronu śmierci», raskazaŭ, jak udzielničaŭ u vykradańni i zabojstvie praciŭnikaŭ Łukašenki. Spačatku jon raskazaŭ pra vykradańnie i zabojstva 7 maja 1999 hoda eks-ministra ŭnutranych spraŭ Juryja Zacharanki, potym pra situacyju z Hančarom i Krasoŭskim.
«Hančar i Krasoŭski apošnimi vyjšli z łaźni, sieli ŭ mašynu. Vulica ciomnaja, tam lichtaroŭ niama, ludziej nie było — my kantralavali. I kali pajšoŭ ruch ich mašyny, my pierakryli darohu. Ja zrabiŭ litaralna dva kroki, raźbiŭ šybu i łancuhom paceliŭ u hubu i pieranośsie Hančaru. Pankoŭ adčyniaje dźviery, ja hetym łancuhom biaru Hančara na zadušku, dastaju jaho z mašyny, kładu na ziamlu» — raskazaŭ Haraŭski.
Haraŭski raskazaŭ, što i Hančara, i Krasoŭskaha zabiŭ asabista Dźmitryj Paŭličenka, zrabiŭšy pa dva streły ŭ serca, a ichnija rečy spalili i pachavali raździetyja cieły ŭ zahadzia padrychtavanaj jamie. Jama była hłybokaja, 4-5 mietraŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
I jak z ŭsbrojenymi pryhonnymi pracavać? Jak pierakryvać darohu mašynie?! Jak celić łancuhom ŭ pysu?
Heta ž jak ŭskładnicca praca specsłužbaŭ tady?! Jak piatnaccacihadovy prync z kałašom razhaniaćmie miljonny napor buntaŭnych mieścičaŭ, kali tyja miećmuć zbroju?!