Da hetaha amierykaniec ciaham troch hadoŭ nie moh pakinuć terytoryju Armienii — pry tym, što i Rasii jaho nie vydavali.
Armienija vypuściła ŭ ZŠA hramadzianina hetaj krainy Eryka Tomasa Krymiera, jakoha rasijskija ŭłady abviaščali ŭ vyšuk. Da hetaha amierykaniec ciaham troch hadoŭ nie moh pakinuć terytoryju Armienii — pry tym, što i Rasii jaho nie vydavali, paviedamlaje «Hołas Amieryki».
Krymiera zatrymali ŭ Maskvie ŭ krasaviku 2017 hoda, abvinavaciŭšy ŭ zachoŭvańni narkotykaŭ. Sam jon śćviardžaŭ, što narkotyki jamu padkinuli palicejskija, adnačasova z hetym patrabujučy 500 tysiač rasijskich rubloŭ za spynieńnie kryminalnaj spravy.
Paźniej hramadzianina ZŠA adpuścili pad padpisku ab niavyjeździe, jon zmoh palacieć na radzimu, ale byŭ abvieščany ŭ miždziaržaŭny vyšuk.
U 2021 hodzie Krymiera zatrymali ŭžo ŭ Armienii, kali jon pryjechaŭ tudy na adpačynak.
Doŭhi čas armianskija ŭłady nie mahli vyrašyć, što rabić z amierykancam dalej: pa słovach jaho advakata, zatrymanaha nie stali vydavać pa zapycie Rasii tamu, što nie chacieli psavać adnosiny z ZŠA, ale i dadomu nie vypuskali.
Letaś Krymier padavaŭ zajavu na nadańnie jamu ŭ Armienii palityčnaha prytułku, ale atrymaŭ admovu.
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?5
Kamientary