Zialenski adchiliŭ «mirnyja inicyjatyvy» Brazilii i Kitaja jak prarasijskija
Kitaj i Brazilija apublikavali svaje prapanovy ab mirnym urehulavańni vajny va Ukrainie ŭ kancy maja.
Prezident Ukrainy zajaviŭ u intervju brazilskamu vydańniu Metropoles, što mirny płan, prapanavany ŭradami Brazilii i Kitaja, bolš adpaviadaje intaresam Rasii i zastajecca nieprymalnym dla Kijeva, piša Bi-bi-si.
«Na žal, ja miarkuju, što [brazilska-kitajskija inicyjatyvy] bolš prarasijskija», — skazaŭ Zialenski.
Jon raspavioŭ, što adkryta paviedamiŭ pra heta prezidentu Brazilii Łułu da Siłvie.
Kitaj i Brazilija apublikavali svaje prapanovy ab mirnym urehulavańni vajny va Ukrainie ŭ kancy maja. Jany zajavili, što adziny sposab skončyć kanflikt — pravieści mirnyja pieramovy z raŭnapraŭnym udziełam usich bakoŭ.
Na hetym tydni namieśnik ministra zamiežnych spraŭ Rasii Siarhiej Rabkoŭ zajaviŭ, što Maskva vitaje inicyjatyvu Brazilii i Kitaja.
«Ja dumaju, što hetaja inicyjatyva karystajecca ŭsio bolšaj i bolšaj padtrymkaj na hłabalnym poŭdni», — skazaŭ Rabkoŭ kanału RT.
Sa słoŭ Zialenskaha, hety «mirny płan» nie byŭ uzhodnieny z Ukrainaj, i Kijeŭ nie moža pajści na jaki-niebudź kampramis z Rasijaj u dačynieńni da svaich terytoryj.
«Jon [prezident Rasii Uładzimir Pucin] zajšoŭ, zabiŭ ludziej, zachapiŭ terytoryju, a ciapier Łuła kaža: «Davajcie, chaj jany pahavorać». Ja moh prosta pahavaryć z Łułaj. Bo Łuła mnie nie vorah», — skazaŭ Zialenski.
«Ja pavinien być mocnym, kab sadzicca i pra niešta kazać. Jon pavinien rabić kroki, pakazać, što jon choča zakančeńnia vajny. Nielha prosta kazać: «My pavinny rabić kroki adzin adnamu na sustreču»», — zajaviŭ prezident Ukrainy.
U kancy maja 2024 hoda ŭrady Brazilii i KNR prapanavali sumiesny płan z šaści punktaŭ: U pieršym havorycca pra toje, što Ukraina i Rasija pavinny «prytrymlivacca troch pryncypaŭ deeskałacyi situacyi, a mienavita: nie pašyrać pole boju, nie dapuskać eskałacyi bajavych dziejańniaŭ i nie pravakavać nivodnaha z bakoŭ».
-
«Nie viedaju, jak u tym pansijanacie moh by chtości vyžyć». Što raskazvajuć u vioscy ŭ Kijeŭskaj vobłaści, dzie zahinuli 37 čałaviek
-
Ukrainskija drony ŭdaryli pa «Azonie» ŭ Biełharadzie
-
«Šachiedy», jakija laciać na Kijeŭ, mohuć praciahvać vykarystoŭvać dla navihacyi biełaruskija stancyi mabilnaj suviazi
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?14
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary