U Polščy ŭ domie ŭ ksiandza znajšli miortvaha mužčynu ŭ kajdankach i strynhach. Śviatar spaŭ pobač u kaściumie trusika
U skandał trapiŭ vikaryj ź nievialikaha polskaha haradka Drobin. Kažuć, jon pravodziŭ šumnyja viečarynki, adna ź jakich skončyłasia trahiedyjaj.
U Drobinie, što ŭ Mazavieckim vajavodstvie, zdaryŭsia skandał. 7 vieraśnia ŭ domie ŭ miascovaha katalickaha śviatara znajšli miortvaha 29-hadovaha mužčynu.
Miortvaha čałavieka znajšli ŭ łožku ŭ ksiandza — jon byŭ u adnych skuranych strynhach, a jaho ruki byli prykavanyja da łožka kajdankami. Pobač u kreśle spaŭ pjany ksiondz u kaściumie trusika, piša Wprost.
Miascovyja žychary raskazvajuć, što ksiondz časta ładziŭ šumnyja viečarynki, jakija praciahvalisia ŭsiu noč. Haradžanie pa viečarach časam sustrakali pjanych śviataroŭ u kampanii žančyn.
Jość viersija, što ŭ toj złapomny viečar u parafijalnym domie była eratyčnaja viečarynka. Paviedamlajecca, što ŭ kryvi ŭ miortvaha mužčyny znajšli srodak dla patencyi. Uskryćcio ŭžo praviali, adnak pryčynu śmierci nie nazyvajuć. Viadoma tolki, što mužčyna chvareŭ na sardečna-dychalnuju niedastatkovaść.
Palicyja vyśviatlaje ŭsie abstaviny spravy. Prakuratura ŭžo apytała śviedak — chatniuju prysłužnicu i samoha vikaryja. Abvinavačvańni pakul nikomu nie vystaŭlenyja.
Płockaja dyjacezija pačała svajo dyscyplinarnaje rasśledavańnie, materyjały buduć padrychtavanyja dla pieradačy ŭ Vatykan. Śviatar časova adchileny ad słužeńnia da vyśviatleńnia ŭsich abstavin. U dyjacezii adznačyli, što biskupu nie pastupali skarhi na nieprystojnyja pavodziny ksiandza.
Mikoła Buhaj: Treba pieraharnuć staronku 2020-ha i pačać žyć novymi realijami68
Kamientary
V niem niet nikakoho rielihioznoho smysła, prosto atavizm sriednieviekovoj biurokratii