Kiryła Budanaŭ: Telegram niasie realnuju pahrozu nacyjanalnaj biaśpiecy Ukrainy
Pry hetym kiraŭnik raźviedki nie vystupaje za toje, kab prosta ŭziać i zakryć miesiendžar. A prapanuje svajo.
Miesiendžar Telegram ujaŭlaje realnuju pahrozu nacyjanalnaj biaśpiecy Ukrainy. Pra heta ŭ intervju «Radyjo Chartyja» skazaŭ načalnik Hałoŭnaha ŭpraŭleńnia raźviedki Ministerstva abarony Ukrainy Kiryła Budanaŭ.
Pavodle jaho słoŭ, va Ukrainie Telegram staŭ hałoŭnaj krynicaj atrymańnia infarmacyi dla hramadstva, «jon abahnaŭ absalutna ŭsio». Pry hetym Budanaŭ nie vystupaje za toje, kab «prosta ŭziać i zakryć» miesiendžar.
«Heta, darečy, davoli składana zrabić, ale mahčyma. Ja vystupaju za toje, kab «afizičyć» usie telehram-kanały. Kali ty chočaš, jak toj kazaŭ, viaščać niejkija naviny, kali łaska, zarehistrujsia. Kab usie razumieli, što hety kanał zarehistravany za Ivanovym Ivanam Ivanavičam, hramadzianinam RF, jaki žyvie ŭ horadzie Maskva. Ci za spadarom, nie viedaju, niejkim hramadzianinam Ukrainy. I tady jość adkaznaść u čałavieka asabista za toje, što jon tam raźmiaščaje», — kaža raźviedčyk.
Jon padkreśliŭ, što niekatoryja telehram-kanały raźmiaščajuć «nie zusim cenzurnyja materyjały», i heta nie tyčycca pytańnia vajny va Ukrainie.
«A jakaja adkaznaść? Nijakaj. Tak nie pavinna być. Chočaš niešta rabić — kali łaska, niasi za heta adkaznaść. Kali ŭsio dobra-dyk čaho ty chavaješsia?» — reziumavaŭ Budanaŭ.
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali30
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary
Samyja stuliciesia!
Rehistracyju błohieraŭ pa adrasach padtrymajuć MinInform, KDB RB i HUBAZiK.
Va ŭsich śpiecsłužbach takaja prafiesijnaja defarmacyja ŭ padychodach da kamunikacyj?
Ci niedzie znojducca ludzi, jakija zdolejuć pahladzieć na prablemu nie tolki sa svajho boku, a i z boku hramadzianina ŭ krainie, u jakoj nie "usio dobra", a naadvarot.