Šrajbman daje kamientary tolki tym rasijskim miedyja, jakija hatovyja za heta danacić Ukrainie
«Dadanaja vartaść ad majoj prysutnaści ŭ rasijskich miedyja dla mianie asabista nie vidavočna. Tamu ŭ peŭny momant ja pastaviŭ filtr».
U novym vypusku tok-šou «Hadzińničak cikaje» analityk Arciom Šrajbman raskazaŭ, jak abmiežavaŭ svajo supracoŭnictva z rasijskimi miedyja.
Pa słovach Šrajbmana, dla jaho važna prysutnaść u biełaruskich miedyja, kab praź ich jaho pačuła biełaruskaja aŭdytoryja:
«Ja nie chaču paŭtarać adno i toje ž na niekalkich placoŭkach, u tym liku na rasijskich. [Bo] tady biełaruskaja aŭdytoryja z-za hetaha mahła pačać mieniej hladzieć tyja biełaruskija pradukty, na jakich ja kažu toje ž samaje, adkazvajučy na tyja [ž] pytańni, bo kolkaść pytańniaŭ abmiežavanaja».
Jak pryznajecca Šrajbman, prykładna praz paŭhoda paśla pačatku poŭnamaštabnaj vajny jon zrazumieŭ, što dadanaja vartaść ad jaho prysutnaści ŭ rasijskich miedyja dla jaho asabista nie vidavočna, i «pastaviŭ filtr»:
«Ja nie razumieju, navošta mnie heta. Hublajecca čas, ich šmat. Jany zaŭsiody zadajuć standartnyja pytańni. Tamu ja ŭ peŭny momant pastaviŭ filtr — kali vy hatovyja danacić troški na Ukrainu za peŭny moj kamientar niejkuju sumu — mnie nie treba davać, davajcie adrazu tudy, — ja z zadavalnieńniem».
Analityk pryznajecca, što na jaho prapanovu było vielmi šmat admovaŭ:
«Spačatku ja pytaŭ na USU. Ale zrazumieŭ, što heta prosta niemahčyma. Tady ja vyrašyŭ, chacia b dapamažycie biežancam ci jašče kamuści, niejkija humanitarnyja mety. Kali byli aktualnyja hienieratary, źbirali na hienieratary. Byli miedyja, jakija pahadžalisia, a samyja vialikija miedyja admovilisia. «Mieduza», «Doždž», Varłamaŭ — usie admovilisia».
«Mnie heta nie tak doraha, kab ja biŭsia za heta. Kali spatreblusia — zrobim dobruju spravu, dapamožam kamuści va Ukrainie», — zaŭvažaje Šrajbman.
Ciapier čytajuć
Mabilnym apierataram zabaranili zahaniać biełarusaŭ u vialiki minus7
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary