Praź niedachop kadraŭ nastaŭnikaŭ pačatkovych kłasaŭ staviać vykładać piacikłaśnikam
U niekatorych škołach prablemy z kadrami namahajucca vyrašyć davoli aryhinalnym čynam.
Jak stała viadoma «Našaj Nivie», prynamsi ŭ niekatorych škołach Minska nastaŭnikaŭ małodšych kłasaŭ płanujuć stavić vykładać u piacikłaśnikaŭ.
«Nastaŭnikaŭ małodšych kłasaŭ płanujuć stavić vykładać u piacikłaśnikaŭ tolki pa tych pradmietach, što jość u małodšaj škole. Matematyku, movy i navat historyju», — kaža krynica, znajomaja ź situacyjaj.
Kolkaść nastaŭnikaŭ u Biełarusi źmianšajecca, adznačaje ThinkTanks. Bolš za ŭsio pamienieła nastaŭnikaŭ zamiežnych moŭ. Za apošnija piać hadoŭ u biełaruskich škołach ich stała na 662 čałavieki mienš.
Na druhim miescy pa hetym pakazčyku znachodziacca nastaŭniki muzyki i śpievaŭ. Ich stała na 460 čałaviek mienš.
Nastaŭniki biełaruskaj movy i litaratury — na trecim miescy (minus 269 čałaviek).
U toj ža čas kolkaść školnikaŭ za apošnija piać hadoŭ pavialičyłasia z 1,031 miljona vučniaŭ u 2019 hodzie da amal 1,090 miljona ŭ 2023-m.
Tym nie mienš ciaham niekalkich hadoŭ situacyja źmienicca, pakolki z pryčyny spadu naradžalnaści apošnich hadoŭ kolkaść vychavancaŭ dziciačych sadkoŭ źnižajecca. Kali ŭ 2019-m było 437 tysiač vychavancaŭ, to ŭ 2023-m — 356 tysiač.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary