Biełarus, jaki vyjhraŭ 200 000 rubloŭ, zahinuŭ. Što zaraz budzie z hrašyma?
Jak akazałasia, bonusnaj kartkaj zahinułaha karystałasia jaho žonka.
U pačatku žniŭnia «Jeŭraopt» razyhraŭ pryzy svajoj rekłamnaj hulni «Udača v pridaču!». Hałoŭny pryz — 200 tysiač rubloŭ — vyjhraŭ mužčyna. Adnak źviazacca ź im nijak nie atrymlivałasia, takoje adbyvałasia ŭpieršyniu ŭ historyi hulni.
Praź niekatory čas arhanizatary zmahli źviazacca sa svajakami pieramožcy.
Akazałasia, chłopiec zahinuŭ jašče viasnoj. Jaho bonusnaj kartkaj karystałasia žonka — jana nie stała pieraafarmlać kartu na siabie. U vyniku pieramoh kod, atrymany paśla pakupki mienavita z hetaj kartaj, piša Myfin.
Žonka zahinułaha vyjhryš nie atrymaje. Pa praviłach, atrymać vyjhryš moža tolki ŭładalnik karty, ź jakoj była ździejśniena vyjhryšnaja pakupka. Pakolki ŭładalnik pamior, pryz budzie pieradadzieny reziervovamu pieramožcu — uładalniku koda, jaki išoŭ za vyjhryšnym.
U ministerstvie antymanapolnaha rehulavańnia i handlu patłumačyli, čamu žonka zahinułaha nie zmoža atrymać vyjhryš.
«Asoba, na jakuju byŭ zarehistravany asabisty kabiniet i bonusnaja karta, jakaja skanała da pačatku praviadzieńnia rekłamnaj hulni, nie mahła być jaje ŭdzielnikam, a asoba, jakaja vykarystoŭvała čužuju bonusnuju kartu dla ŭdziełu ŭ rekłamnaj hulni, taksama nie źjaŭlajecca ŭdzielnikam rekłamnaj hulni, bo nie vykanała ŭmovy ŭdziełu ab zapaŭnieńni na sajcie piersanalnych danych i ab vyražeńni zhody na ŭdzieł u rekłamnaj hulni, i, takim čynam, nie moža atrymać vyjhryš. U suviazi z hetym u takoj situacyi vyjhryš pavinien być pieradadzieny reziervovamu pieramožcu», — zajavili ŭ ministerstvie.
U najbližejšy čas arhanizatary hulni źviažucca z novym uładalnikam 200 tysiač rubloŭ.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ5
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary