Vaskrasienski: Daju słova, byłyja žonki pytalisia, ci možna napisać chadajnictva, kab palitviaźniaŭ nie vypuskali
Kali jon raskazvaŭ pra ŭmovy ŭtrymańnia za kratami, Ivan Ejsmant pakpiŭ z turemnaha dośviedu Vaskrasienskaha: «Vy ž sami možacie raskazać». Vaskrasienski vycier plavok i praciahnuŭ raspovied.
Juryj Vaskrasienski praciahnuŭ hastroli pa telekanałach z raspoviedam pra pamiłavańnie palitviaźniaŭ. U efiry «Kłuba redaktaraŭ» nie staŭ nazyvać novych imionaŭ vyzvalenych ludziej, zatoje dazvoliŭ sabie niekalki chamskich i chłuślivych vykazvańniaŭ.
Spačatku jon raskazaŭ pra toje, što kali palitviaźni sutykajucca ź ciskam, to vinavatyja ŭ hetym jany sami.
«Ja nie vyklučaju, kaniečnie, što — jak u luboj sistemie — jość niekalki čałaviek, jakija pavodziać siabie zabykavana i atrymlivajuć ad piersanała. Tamu što piersanał taksama možna zrazumieć: hetyja znachodziacca tam niekalki hadoŭ, a piersanał naš — dziakuj im vialiki, usioj sistemie Departamienta vykanańnia pakarańniaŭ — tam usio žyćcio znachodziacca».
Kiraŭnik BT Ivan Ejsmant pierabiŭ Vaskrasienskaha, kab nahadać usim prysutnym, što toj sam byŭ u SIZA: «A, prabačcie, vy ž sami možacie raskazać, jak heta ŭsio…» Ministr infarmacyi Marat Markaŭ i kiraŭnik ahienctva «Minsk-Naviny» Andrej Kryvašejeŭ zaŭśmichalisia, a Vaskrasienski vycier ujaŭny plavok i praciahnuŭ:
«Tak, tak… U cełym jany vychodziać paśviatlełymi, pachudziełymi, ideałahična padkavanymi, tamu što ŭ 21:00 jany hladziać Panaramu».
Heta mahła być redkaja dumka, kali Vaskrasienski nie schłusiŭ… Ale nie, usio ž schłusiŭ. U niekatorych kałonijach palitviaźni nie mohuć pahladzieć «Panaramu», bo ŭ 21:00 adbyvajecca viečarovaja pravierka.
Naprykancy pramovy Vaskrasienski vyrašyŭ, što kali žartujuć ź jaho, to moža pažartavać i jon sam. Vyjšła niahiehła i niepierakanaŭča:
«Bolš za toje, vy nie padumajcie, što heta žart, ale niekatoryja sa svajakoŭ, asabliva byłyja žonki, pytalisia, ci možna napisać chadajnictva, kab ich nie vypuskali. Voś daju słova. Čałaviek piać takich było!»
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt13
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary