Грамадства1919

Васкрасенскі: Даю слова, былыя жонкі пыталіся, ці можна напісаць хадайніцтва, каб палітвязняў не выпускалі

Калі ён расказваў пра ўмовы ўтрымання за кратамі, Іван Эйсмант пакпіў з турэмнага досведу Васкрасенскага: «Вы ж самі можаце расказаць». Васкрасенскі выцер плявок і працягнуў расповед.

Юрый Васкрасенскі, скрыншот БТ

Юрый Васкрасенскі працягнуў гастролі па тэлеканалах з расповедам пра памілаванне палітвязняў. У эфіры «Клуба рэдактараў» не стаў называць новых імёнаў вызваленых людзей, затое дазволіў сабе некалькі хамскіх і хлуслівых выказванняў.

Спачатку ён расказаў пра тое, што калі палітвязні сутыкаюцца з ціскам, то вінаватыя ў гэтым яны самі.

«Я не выключаю, канечне, што — як у любой сістэме — ёсць некалькі чалавек, якія паводзяць сябе забыкавана і атрымліваюць ад персанала. Таму што персанал таксама можна зразумець: гэтыя знаходзяцца там некалькі гадоў, а персанал наш — дзякуй ім вялікі, усёй сістэме Дэпартамента выканання пакаранняў — там усё жыццё знаходзяцца».

Кіраўнік БТ Іван Эйсмант перабіў Васкрасенскага, каб нагадаць усім прысутным, што той сам быў у СІЗА: «А, прабачце, вы ж самі можаце расказаць, як гэта ўсё…» Міністр інфармацыі Марат Маркаў і кіраўнік агенцтва «Мінск-Навіны» Андрэй Крывашэеў заўсміхаліся, а Васкрасенскі выцер уяўны плявок і працягнуў:

«Так, так… У цэлым яны выходзяць пасвятлелымі, пахудзелымі, ідэалагічна падкаванымі, таму што ў 21:00 яны глядзяць Панараму».

Гэта магла быць рэдкая думка, калі Васкрасенскі не схлусіў… Але не, усё ж схлусіў. У некаторых калоніях палітвязні не могуць паглядзець «Панараму», бо ў 21:00 адбываецца вечаровая праверка.

Напрыканцы прамовы Васкрасенскі вырашыў, што калі жартуюць з яго, то можа пажартаваць і ён сам. Выйшла нягегла і непераканаўча:

«Больш за тое, вы не падумайце, што гэта жарт, але некаторыя са сваякоў, асабліва былыя жонкі, пыталіся, ці можна напісаць хадайніцтва, каб іх не выпускалі. Вось даю слова. Чалавек пяць такіх было!»

Каментары19

  • Ганьба
    24.08.2024
    кепска скончыць
  • Пул Першай
    24.08.2024
    Адну такую жонку мы дакладна ведаем. Выйдзе муж - прыйдзецца пакінуць утульны кабінецік, канец вечнаму лідарству, зноўку на кухню за патэльню. А хто ж ратаваць краіну будзе? Таму няхай сядзіць гэты муж да скону лепш!
  • А
    24.08.2024
    Гэта ён пра сваю жонку?

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы

Усе навіны →
Усе навіны

Распрацаваны першы за 50 гадоў антыбіётык супраць смяротнай супербактэрыі

У Маладзечанскім раёне прадаюць лецішча з марскога кантэйнера

Колькі каштуе пуцёўка ў беларускі санаторый — сума немалая2

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі45

Ротам камуніста Сыранкова зноў укідваецца ідэя адмяніць у Беларусі прэзідэнцкія выбары28

Келаг: На перамовах у Стамбуле будуць прадстаўнікі ЗША, Германіі, Вялікабрытаніі і Францыі3

У Нацыянальным мастацкім музеі адкрылася выстава, прысвечаная расійскім перамогам15

Апеляцыйны суд у ЗША стаў на бок Трампа ў пытанні тарыфаў

«400 зорак у п***у». Махляры надурылі школьнікаў, прадаючы ім няправільныя адказы да ЦТ і ЦЭ4

больш чытаных навін
больш лайканых навін

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы

Галоўнае
Усе навіны →

Заўвага:

 

 

 

 

Закрыць Паведаміць