Vakoł Minska płanujecca stvaryć dzieviać haradoŭ‑spadarožnikaŭ
Pra heta na pres‑kanfierencyi 11 lutaha paviedamiŭ ministr architektury i budaŭnictva Alaksandr Sielaźnioŭ.
Vakoł Minska ŭ pierśpiektyvie płanujecca stvaryć dzieviać haradoŭ‑spadarožnikaŭ u miežach 50‑kiłamietrovaj zony.
Pra heta na pres‑kanfierencyi 11 lutaha paviedamiŭ ministr architektury i budaŭnictva Alaksandr Sielaźnioŭ.
«Kiraŭnictva Minska pierakanała prezidenta, što rost nasielnictva stalicy nie apraŭdany i nie maje sensu. Prezident zhadziŭsia z tym, što ŭ stalicy štohod budzie budavacca 1,2—1,3 młn. kv. m žylla suprać 1,8—2 młn., jakija raniej płanavalisia», — skazaŭ kiraŭnik Minbudarchitektury. Dla kampiensacyi žylla, jakoha nie chapaje, na dadzieny momant pryniata rašeńnie ab stvareńni piaci haradoŭ‑spadarožnikaŭ.
Pa troch užo raspracoŭvajecca dakumientacyja — heta Smalavičy (płanujecca pabudavać 1—1,3 młn. kv. m žylla), taksama raspracoŭvajucca prajekty zabudovy Zasłaŭja i Dziaržynska.
Akramia hetaha, dasiahnuta damoŭlenaść ź Minabłvykankamam ab vydzialeńni ŭčastkaŭ u Minskim rajonie pad budaŭnictva 5—7 tys. katedžaŭ, paviedamiŭ ministr.
Jak płanujecca, u 2010 hodzie budzie praviedziena prajektavańnie, u pieršym paŭhodździ 2011 hoda — budaŭnictva inžyniernaj infrastruktury, da kanca 2011‑ha — pačatak budaŭnictva damoŭ i ŭ 2012—2013 hadach — zdača ŭ ekspłuatacyju. Sielaźnioŭ adznačyŭ, što adnačasova z budaŭnictvam žylla buduć pabudavanyja i transpartnyja suviazi (chutkasny tramvaj, tralejbus, aŭtobus‑ekspres) ź Minskam.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary