«A jak Łukašenka reahuje na takoje?!» Viciablanka viadzie papularny tyktok razam z 10-hadovaj dačkoj
Viciablanka razam z dačkoj viadzie błoh u tyktoku. Ich videa nabirajuć miljony prahladaŭ i dziasiatki tysiač łajkaŭ. Ale chejtary pieryjadyčna sprabujuć vyklikać praz kamientary orhany apieki, siłavikoŭ ci asabista Łukašenku.
Na błoh «Dziaŭčaty» ŭ tyktoku padpisana kala 72 tysiač čałaviek, a samaje papularnaja videa maje 3,5 miljona prahladaŭ. Viadzie jaho 36-hadovaja Taćciana Kirenia ź Viciebska. Amal va ŭsich rolikach razam z maci źjaŭlajecca jaje dačka — dziesiacihadovaja Alona.
Sakret papularnaści błohu ŭ charyźmie dziaŭčynki. Jana pryhožaja i davoli artystyčnaja. Zvyčajna na videa Taćciana razam z dačkoj tančyć pad niejkuju pieśniu — čaściej za ŭsio jany vybirajuć niešta z rasijskaj papsy.
Byvaje, što zapisvajuć roliki pa prośbach publiki. Niejak, naprykład, ich paprasili zrabić videa dla «sałdat na SVA» (tak u Rasii prapahanda nazyvaje vajnu z Ukrainaj). Taćciana razam z Alonaj apranułasia ŭ kamuflaž i zapisała tyktok pad pieśniu Rusłana Čornaha «Zasypaj s miečtoj, prosypajsia s cielju».
Ale, niahledziačy na šalonyja prahlady i armiju fanataŭ, u dueta chapaje i krytykaŭ. Daloka nie ŭsim padabajecca toje, što školnicu apranajuć i farbujuć pa-darosłamu, a tančyć dziaŭčynka pad pieśni z tekstam kštałtu: «Žarkije myśli, obnažiennyje nohi, moj sieksi-simvoł tak vlublon v dorohi» ci «Vsie budiet zaje-zaje-zajebomba».
Tamu ŭ kamientarach rehularna patrabujuć orhany apieki ci navat pravaachoŭnikaŭ źviarnuć uvahu na videa «Dziaŭčat», bo ličać takuju tvorčaść «raspustaj małaletnich».
A niadaŭna adna z karystalnic spytała: «A jak Łukašenka reahuje na takoje vyčvarenstva?» U adkaz Taćciana vykłała rolik pad hołas palityka: «Heta nie vaša sprava. Vy pavinny spakojna pracavać, rabić svaju pracu».
Połackaja škoła vyrašyła sabrać humanitarku dla Kurska
Amierykanca, jaki pačastavaŭsia biełaruskimi dalikatesami i staŭ zorkaj tyktoku, nie chacieli vypuskać ź Biełarusi
Błohierka ź Vieniesueły pravieryła, ci sapraŭdy ŭ Biełarusi idealna čysta, i prajšłasia pa vulicach u biełych škarpetkach
«Čałaviek źbiaroh dla vas pavietra!» U tyktoku spračajucca, ci možna lažać u płackarcie ŭ abutku
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary