Dva hady tamu jaje sprabavali pradać, ale, miarkujučy pa ŭsim, biespaśpiachova.
Histaryčnaj vodanapornaj viežy na vulicy Aŭtadoraŭskaj u Minsku narešcie znajšli prymianieńnie.
U hetym viadomym budynku, jaki apošnija 15 hadoŭ naležyć architektaru, raźmieściać kafe. Ustanova raźmieścicca na dvuch nižnich pavierchach budynka.
Tam užo vykładziena padłoha, hatovaja barnaja stojka, vyraznyja abrysy nabyvaje leśvička, jakaja viadzie na druhi jarus, piša «Minski kurjer».
Razam z tym prava arendy ziamielnaha ŭčastka zakančvajecca ŭžo ŭ kancy śniežnia, a jaho pradaŭžeńnie zaležyć ad vyniku rabot. Ułaśnik abiacaje adkryć abjekt praz try miesiacy — da 7 listapada.
Vieža ŭ nieahatyčnym styli ŭpieršyniu zhadvajecca ŭ dakumientach u 1910 hodzie, pabudavana jana była, chutčej za ŭsio, u pačatku XX stahodździa. Jana znachodziłasia pobač z Bresckim čyhunačnym vakzałam i słužyła dla zapraŭki vadoj paravozaŭ, a taksama dla padačy vady ŭ pasiołki pracoŭnych-čyhunačnikaŭ. Taŭščynia ścien viežy składaje adzin mietr. Raniej u vierchniaj častcy viežy raźmiaščałasia dva mietaličnyja baki, kožny ŭmiaščaŭ pa 80 ton vady.
Budynak pryznany historyka-kulturnaj kaštoŭnaściu. U 2022 hodzie jaho sprabavali pradać za 600 tysiač dołaraŭ. Patencyjnamu inviestaru prapanoŭvali raźmiaścić u viežy hatel, restaran ci ofis. Ahulnaja płošča budynka składaje 166 kv. m.
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory6
Kamientary
Ale vielmi prykmietny budynak . Ź dziacinstva jaho pamiataju . Źviartaje na siabie ŭvahu svajoj niepaŭtornaściu . Dziŭna što zastaŭsia da hetaha času , pieražyŭšy lichija hady . Ŭ Harodni kožny nieprykmietny maje statut dziaržaŭnaha pomnika i achoŭvajecca dziaržavaj . Na maju dumku vieža tak sama zasłuhoŭvaje statutu pomnika .
Intieriesno k kakomu sovietskomu prazdniku obankrotitsia i zakrojetsia?!