Biełaruska viartaje sabie zvańnie druhoj rakietki śvietu.
Aryna Sabalenka ŭpieršyniu sa studzienia vyjhrała tenisny turnir. Siońnia viečaram jana ŭ finale prestyžnaha turniru-tysiačnika (za vyjhryš turniru naličvajecca 1000 bałaŭ) u Cyncynaci pieramahła amierykanku Džesiku Piehułu — 6:3, 7:5.
Paśla hulni jana ahavaryłasia, skazaŭšy: «Dziakuj maim chłopcam».
«Viadoma, asobnaje dziakuj maim chłopcam. Ja skazała chłopcam, oj. Heta maja žudasnaja anhlijskaja, chłopcy! Dziakuj majmu chłopcu, što robić mianie ščaślivaj kožny dzień. Dziakuj tabie vielizarnaje, — skazała biełaruskaja tenisistka, užo źviartajučysia da brazilskaha biznesoŭca Hieorhijasa Franhulisam, ź jakim jana sustrakajecca paśla śmierci Kanstancina Kalcova.
Heta pieršy vyjhrany turnir u Sabalenki sa studzienia, kali jana druhi raz zapar vyjhrała Adkryty čempijanat Aŭstralii pa tenisie. Potym byŭ spad.
Taksama Aryna viartaje sabie druhi radok u suśvietnym rejtynhu, paciaśniŭšy amierykanku Kako Haŭf. Zvańnie pieršaj rakietki zachoŭvaje Iha Śviontak, jakuju biełaruska abyhrała ŭ paŭfinale siońniašniaha turniru.
Praź niekalki dzion startuje asnoŭnaja sietka Adkrytaha čempijanatu ZŠA pa tenisie (US Open).
Hod tamu Aryna dajšła da finału, dzie prajhrała akurat Kako Haŭf, adnak pa vynikach turniru stała pieršaj rakietkaj śvietu, pratrymaŭšysia naviersie rejtynhu dva miesiacy.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie18
Kamientary