Hienprakuratura Ukrainy pačała rasśledavańnie imaviernaha abiezhałoŭlivańnia ŭkrainskaha voina
U piatnicu ŭ sacsietkach raspaŭsiudzili videa, na jakim rasijanie demanstrujuć hałavu nibyta ŭkrainskaha vajskoŭca, jakuju nasadzili na koł.
U ramkach rasśledavańnia pravaachoŭniki praviarajuć takuju infarmacyju i źviazanyja ź joj abstaviny, paviedamlaje RBK-Ukraina.
«Raspaŭsiud pradstaŭnikami Rasii takoha videa jašče raz śviedčyć ab ich poŭnym hrebavańni normaŭ i pryncypaŭ mižnarodnaha humanitarnaha prava», — padkreślili ŭ Ofisie hienprakurora.
Dasudovaje rasśledavańnie pačata pa fakcie parušeńnia zakonaŭ i zvyčajaŭ vajny, jakoje źviazana z naŭmysnym zabojstvam.
Pa źviestkach prajekta DeepState, žorstkaje videa źniali bajcy padraździaleńnia 155-j asobnaj hvardziejskaj bryhady marskoj piachoty US RF.
Incydent, imavierna, prajšoŭ na KPP «Kałaciłaŭka» ŭ Biełharadskaj vobłaści, dzie nibyta była niaŭdałaja sproba praryvu ŭkrainskich abaroncaŭ.
Ciapier čytajuć
Kaardynatara pošukavaha atrada «Anioł» pasadzili za palityku2
Kamientary