U Hrodnie za abrazu Łukašenki sudziać byłoha staršyniu jaŭrejskaj hramady
Sudovaje pasiadžeńnie pa spravie Ramana Śmirnova prajšło 15 žniŭnia. Byłomu staršyni jaŭrejskaj hramady i dyrektaru TAA «Hrodzienskaje ahienctva nieruchomaści» pahražaje da čatyroch hadoŭ kałonii za abrazu Łukašenki, piša Hrodna.life.
Ramana Śmirnova abvinavačvajuć pavodle č. 1 art. 368 Kryminalnaha kodeksa — «Publičnaja abraza Łukašenki». Sankcyi artykuła praduhledžvajuć štraf, abo papraŭčyja raboty na termin da dvuch hadoŭ, abo aryšt, abo abmiežavańnie ci pazbaŭleńnie voli da čatyroch hadoŭ. Spravu razhladajuć u sudzie Hrodzienskaha rajona, sudździa — Stanisłaŭ Prańko.
Ramana Śmirnova zatrymali jašče ŭ krasaviku. Pryčynaj stali kamientary na adras słužbovych asob i Alaksandra Łukašenki. Prapahandysty napisali, što jon nibyta adpraŭlaŭ danyja ŭ telehram-kanały «Biełaruś hołovnoho mozha» i Nexta, ustupiŭ u «Płan «Pieramoha». U 2020-m hrodzienca zatrymlivali za ŭdzieł u mitynhu. Danyja mužčyny byli ŭ kanale «Postupi po soviesti». Raman pisaŭ, što nie budzie pracavać ź milicyjantami.
Infarmacyju pra zatrymanaha nie davali navat siamji, stała viadoma Hrodna.life ad krynicy, znajomaj ź situacyjaj. Raman Śmirnoŭ byŭ staršynioj jaŭrejskaj hramady prykładna z 2020 hoda. Paśla jahonaha zatrymańnia stała zrazumieła, što jon vierniecca nie chutka, a staršynia byŭ patrebny dla vyrašeńnia administracyjnych pytańniaŭ. Rada hramady abrała novaha kiraŭnika.
Z 2020 hoda hramada minimizavała hramadskuju aktyŭnaść i kolkaść publičnych mierapryjemstvaŭ, takich jak kancerty i vystavy. Heta źviazana z pazicyjaj rabina, padzialiłasia infarmacyjaj krynica vydańnia.
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary
Ja mahu heta patłumačyć. Łukašyzm heta sialanskaja vajna suprać haradskoj cyvilizacyi jak hetkaj. I jon abjektyŭna bje pa samym šyrokim razumieńni habrejskaści. I pa ekanamična aktyŭnych i pa intelektualna aktyŭnych. I niezdarma ž kamandujučy VPS i SPA RB niadaŭna lataŭ u Iran i padtakvaŭ ajatołam suprać sijanisckaha režymu. A Łukašenka niejki miesiac tamu śćviardžaŭ što siarod karupcyjanieraŭ bolš za pałovu hetym sijanistaŭ - chacia nivodnaha kankretnaha imia nie nazvaŭ