Andžej Pačobut byŭ hatovy vyjechać ź Biełarusi — Rzeczpospolita
«Jon mocna schudnieŭ, ja jaho nie paznała. Pry im jašče trymałasia, ale kali vyjšła z turmy, prosta zapłakała», — kaža Anžalika Borys, jakaja sustrełasia sa źniavolenym žurnalistam u krasaviku.
Palitviazień Andžej Pačobut byŭ hatovy vyjechać ź Biełarusi. Pra heta piša Rzeczpospolita sa spasyłkaj na kiraŭnika Sajuza palakaŭ Anžaliku Borys. Uviesnu jana mieła mahčymaść sustrecca z Pačobutam, piša Reform.news.
«Ja razmaŭlała z Andžejem dźvie z pałovaj hadziny. Naša razmova tyčyłasia stanovišča Sajuza palakaŭ. I ja, i Andžej chočam, kab polskaść tut zachavałasia, kab my mahli vykładać polskuju movu. Naša Polšča tut, na Niomanie. Jon byŭ rady, što my ŭsio jašče zajmajemsia hetym u hetaj składanaj situacyi. Ja paprasiła jaho razhledzieć mahčymaść vyjezdu z krainy, kali budzie takaja mahčymaść.
Skazaŭ mnie tak: kali ty ličyš, što tak treba pastupić, tak zrablu. Pa majoj prośbie jon pahadziŭsia pakinuć krainu. Žyćcio majho kalehi dla mianie važniejšaje za ŭsio», — cytuje vydańnie Anžaliku Borys.
Pa słovach Borys, da hetaha jana napisała list Alaksandru Łukašenku z prośbaj sustrecca z Pačobutam. Sustreča adbyłasia ŭ krasaviku.
«Jon vyhladaŭ vielmi drenna. Majo serca razryvałasia. Maralna jon adčuvaje siabie dobra, ale fizična jon vyhladaŭ vielmi drenna. Jon mocna schudnieŭ, ja jaho nie paznała. Pry im jašče trymałasia, ale kali vyjšła z turmy, prosta zapłakała», — dadała jana.
Pa słovach Borys, padčas naviedvańnia joj dazvolili pieradać Pačobutu leki. Mienavita pra sustreču z Pačobutam išła razmova padčas razmovy Borys i prezidenta Polščy Andžeja Dudy ŭ siaredzinie krasavika.
«Ja nieadkładna pajechała ŭ Varšavu i dała hetuju infarmacyju prezidentu Andžeju Dudu. Ja paprasiła pieramovaŭ ab vyzvaleńni Pačobuta», — skazaŭ jana.
«Siońnia dla nas samaje hałoŭnaje, kab Andžej Pačobut byŭ svabodny i zdarovy. Astatniaje — druhasnaje», — dadała jana.
U publikacyi vydańnia havorycca, što padzialicca padrabiaznaściami sustrečy z Andžejem Pačobutam jaje zaachvociła toje, što ŭ Polščy źjavilisia kamientary pra jahonaje niežadańnie pakidać Biełaruś. Jana paćvierdziła, što viasnoj 2021 hoda, kali byli vyzvalenyja try aktyvistki polskaj mienšaści, jany razam z Pačobutam sapraŭdy nie pahadzilisia pakinuć krainu. Adnak z tych časoŭ užo prajšło bolš za try hady.
Samu Anžaliku Borys vypuścili ź SIZA ŭ sakaviku 2022 hoda. Paśla hetaha jana znachodziłasia pad chatnim aryštam. U krasaviku minułaha hoda byŭ źniaty chatni aryšt.
U materyjale Rzeczpospolita taksama pryvodziacca słovy žonki Andžeja Pačobuta Aksany. Jana taksama admaŭlaje, što jaje muž nie zhodny na vyjezd.
«Heta tryźnieńnie, moj muž znachodzicca ŭ poŭnaj izalacyi i nie maje mahčymaści vykazvacca», — skazała jana.
Vydańnie taksama źviarnuła ŭvahu na prahramu «Kłub redaktaraŭ», u jakoj Juryj Vaskrasienski zajaviŭ, što biełaruskija ŭłady byli hatovyja adpuścić Pačobuta ŭ ramkach niadaŭniaha abmienu, ale nibyta polski bok admoviŭsia.
«Ničoha padobnaha Łukašenka nie prapanoŭvaŭ», — prakamientavaŭ vydańniu ministr unutranych spraŭ i administracyi Tomaš Siamoniak.
«Heta absalutna niapraŭda. Padčas rasijska-amierykanskaha abmienu rasijski bok nie prapanavaŭ uklučyć Andžeja Pačobuta. Viadoma, amierykancy daŭno viedajuć, chto nam patrebny, u tym liku i Pačobut. Užo niekalki miesiacaŭ my ŭsialak nastojvajem, prosim i nastojvajem na vyzvaleńni Andžeja Pačobuta. Nikoli biełaruski bok hetaha nie prapanoŭvaŭ ni ŭ jakoj formie, ni prama, ni ŭ ramkach bujnych mižnarodnych i dvuchbakovych abmienaŭ», — skazaŭ ministr.
Kamientary
Za koho by ty ni hołosovał, kak tolko oni połučili vłasť, ty, kak prostoj hraždanin pieriechodiš v oppoziciju k vłasti (dažie jeśli vyihrała tvoja partija), potomu čto oni, połučiv vłasť, budut dumať v piervuju očieried́ o siebie i svoich intieriesach.