«Pačobut nie choča pakidać Biełaruś biez mahčymaści viarnucca» — polskija palityki
Polšča robić usie namahańni dla vyzvaleńnia palitviaźnia Andžeja Pačobuta, adnak uličvaje jaho ŭłasnaje bačańnie situacyi. Pra heta ŭ efiry TVN24 zajaviła kiraŭnica kancylaryi prezidenta Polščy Małhažata Paprocka, piša Reform.news.
Nahadajem, paśla abmienu źniavolenymi pamiž krainami Zachadu i Rasiejaj były ministr unutranych spraŭ i administracyi Maryjuš Kamiński vystupiŭ z krytykaj praz toje, što ŭ abmien nie byŭ uklučany Pačobut, adrasavaŭšy paproki pradstaŭnikam polskich uładaŭ.
Adkazvajučy na pytańni ab vykazvańniach Kamińskaha, kiraŭnik kancylaryi adznačyła, što prezident Andžej Duda prymaje blizka da serca spravu vyzvaleńnia Pačobuta. Jana padkreśliła, što nie moža ŭdavacca ŭ detali niadaŭniaha abmienu.
«Chaču zapeŭnić, što ŭsie namahańni ŭ hetaj spravie prykładajucca. U toj ža čas treba pamiatać, što spadar Pačobut maje svajo mierkavańnie ŭ hetaj spravie i pierš za ŭsio nie choča źjechać ź Biełarusi biez mahčymaści viarnucca tudy kali-niebudź», — skazała jana.
Jana zapeŭniła, što «jość adpaviednyja kanały kantaktu sa spadarom Pačobutam», u adkaz na ŭdakładniajučaje pytańnie, ci jość u polskaha boku suviaź ź siamjoj palitviaźnia i ŭpeŭnienaść, što jaho pazicyja nie źmianiłasia. Paprocka adznačyła, što sprava Pačobuta doŭžycca nie adzin hod i ŭsie ŭrady Polščy rabili adpaviednyja namahańni. Razam z tym, jana spadziajecca na pośpiech.
«Ja raźličvaju, što heta sprava ŭ niadoŭhim časie budzie mieć dobry finał», — skazała jana.
«Jość pytańnie supracoŭnictva z sajuźnikami. Byli peŭnyja prośby, adrasavanyja Polščy, a pra toje, jakija byli dakładnyja ŭmovy, jakoj była pazicyja Polščy ŭ pieramovach z chaŭruśnikami, tut mianie abaviazvaje dziaržaŭnaja tajamnica», — dadała jana, kamientujučy krytyku Kamińskaha.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary