U Dahiestanie mužčyna ŭ žanočym nikabie rasstralaŭ palicejskich — jaho šukajuć užo siem hadoŭ
U 2016 hodzie ŭłady abviaścili ab jaho likvidacyi. Ale praz hod jon znoŭ rasstralaŭ siłavikoŭ.
U Dahiestanie mužčyna ŭ žanočym nikabie rasstralaŭ dvuch palicejskich. Siłaviki spynili čałavieka ŭ tradycyjnaj musulmanskaj relihijnaj žanočaj vopratcy — i toj adkryŭ ahoń.
Jak akazałasia, mužčyna ŭ nikabie — heta lidar hrupy bajevikoŭ Ali Demilchanaŭ, jaho nie mohuć złavić užo siem hadoŭ, piša Baza.
U 2016 hodzie na darozie Nižni Hierziel — Enhiel-Jurt pasprabavali spynić dva aŭtamabili. Z mašyn pa siłavikach adkryli ahoń z aŭtamataŭ, a taksama zakidali palicejskich hranatami. Tady paciarpieli čatyry siłaviki.
Nieŭzabavie MUS dało spravazdaču adnosna apieracyi pa źniščeńni tych, chto napadaŭ, siarod ich byŭ lidar hrupy Ali Demilchanaŭ. Ale praz hod jon «ažyŭ» — rasstralaŭ dvuch palicejskich i ŭciok.
Ciapier MUS Dahiestana znoŭ raspaŭsiudziła aryjenciroŭku na Demilchanava. Uradženiec Čačni, jaki chavajecca ŭžo siem hadoŭ, pierasoŭvajecca pa Dahiestanie ŭ žanočym nikabie — šyrokaj vopratcy z doŭhimi rukavami, jakaja da taho ž całkam zakryvaje tvar.
Niadaŭna muftyi Dahiestana časova zabaranili nasić nikaby ŭ metach baraćby z teraryzmam.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha12
Kamientary