Minskamu kucharu pahražaje da 25 hadoŭ źniavoleńnia pa piaci artykułach — čatyry palityčnyja i adzin za piedafiliju
Raniej Alehu Viarcinskamu ŭžo prysudzili piatnaccać źniavoleńnia turmy za zhvałtavańnie dzicionka.
Alehu Viarcinskamu 35 hadoŭ. Jon rodam z Homiela, ale apošnim časam žyŭ u Minsku. Pracavaŭ kucharam.
U kastryčniku 2021 hoda jaho asudzili na dva hady kałonii pa nieviadomym artykule. Nastupny sud nad Viarcinskim adbyŭsia ŭ lipieni 2022 hoda. Tady jamu prysudzili 15 hadoŭ strohaha režymu za ŭdzieł u pratestach i zhvałtavańnie małaletniaj.
Sprava atrymała novy abarot u sakaviku 2024-ha. Tady praŭładnyja źliŭnyja kanały napisali, što Viarcinskaha znoŭku buduć sudzić za zhvałtavańnie. Pa źviestkach siłavikoŭ, u 2012-m jon zhvałtavaŭ u škole 6-hadovaha chłopčyka. Sam Viarcinski kazaŭ, što pryjšoŭ u škołu, kab «skraści kaštoŭnyja rečy, ale ničoha nie znajšoŭ i syšoŭ».
Mužčyna raniej ź niejkaj pryčyny niekalki razoŭ mianiaŭ proźviščy.
Sud nad Viarcinskim pačniecca 19 žniŭnia ŭ Minskim haradskim sudzie. Jamu pahražaje da 25 hadoŭ kałonii.
Sudzić Viarcinskaha buduć pa piaci artykułach, ź jakich čatyry — palityčnyja. Heta «ŭdzieł u vajnie na terytoryi inšaj dziaržavy» (č. 1 art. 361-3 KK), «raspalvańnie varožaści», (č. 1 art. 130 KK), «abraza Łukašenki» (č. 1 art. 368 KK), «zakliki da sankcyjaŭ» (č. 3 art. 361 KK) i «hvałtoŭnyja dziejańni seksualnaha charaktaru ŭ dačynieńni vidavočna małaletniaha» (č. 3 art. 167 KK).
«Naša Niva» — bastyjon biełaruščyny
PADTRYMAĆ«Skazaŭ chłopčyku, što bačyć u im akciorskija danyja». Viadomaha minskaha artysta sudziać pa piaci artykułach za piedafiliju
Asudžanaha za piedafiliju eks-režysiora «Jerałaša» vyzvalili ad pakarańnia. Jon vajuje va Ukrainie
«Chałaściak biez vyšejšaj adukacyi». U Biełarusi vyznačyli partret typovaha piedafiła
Kamientary
Adnak tam dzie dziaržaba nacyjanaliavała sud - zaŭsiody sumnievy ŭ jaho spraviadlivaści. Da ŭsiaho pobač iduć abvinavačańni ŭ niezłačynstvach (abrazy, zakliki, raspaleńnie) i ŭdzieł ŭ vajnie (tut maje pazyvacca achviara, jakaja prademanstruje škodu ad vajskavoje aktyŭnaści źvinavačanaha, anijak nia pan z nahody padpracoŭki pryhonnym na inšaha pana). I, kaniešnie, pytańnie da novych abvinavačańniaŭ, jakija vypłyli padčas źniavoleńnia. Da tajamničaści pracesu.