Hramadstva44

«Pracoŭnaje miesca ź vidam na raku». Jak ajcišniki žyvuć u kalivinhu na Niomanie

Maładaja frantend-raspracoŭščyca Alina raskazała ŭ linkiedzinie, jak ajcišniki pracujuć z kalivinha na Niomanie — «idealnaha miesca dla addalenych rabotnikaŭ». Devby.io pahutaryŭ z joj pra toje, jak žyviecca ŭ niezvyčajnym dla Biełarusi miescy — i ci nie cierpić praca.

Alina ŭ paście pieraličvaje plusy kalivinha: 

  • Idealnaje miesca dla addalenych pracaŭnikoŭ: cišynia, pryroda, zručnaja pracoŭnaja prastora.
  • Mahčymaść pašyryć koła znosin: paznajomicca z novymi ludźmi, jakija pracujuć u roznych śfierach.
  • Aktyŭny adpačynak: spłavy, kvadracykły, konnyja špacyry — usio heta dastupnaje na zapyt.
  • Raznastajny kalektyŭ: u hrupie mohuć być nie tolki prahramisty, ale i repietytary, dyzajniery, markietołahi, videohrafy i inšyja addalenyja pracaŭniki. 

Niekatoryja kamientary pad pastom piesimistyčnyja:

  • «Štości mnie padkazvaje, abstanoŭka tam nie vielmi pracoŭnaja. Ale jak adpačynak — całkam narmalna. Pijanierłahier dla darosłych».
  • «Zasialicca z randamnymi ludźmi ŭ adzin budynak, dzie treba pastajanna pierasiakacca — strašniej i nie prydumaješ dla addalenaha pracaŭnika. Jak by sutnaść addalenaj pracy i palahaje ŭ tym, kab pamienš (usich vas) bačyć».
  • «Kamary vyjšli na novy ŭzrovień zavablivańnia».

Alina niadaŭna skončyła IT-kursy, ciapier u pošuku pracy, jaje muž — prahramist, pracuje addalena. Para žyvie ŭ kvatery ŭ Minsku i, kali nastaje leta, adčuvaje, što im «krytyčna nie chapaje pryrody — jak byccam i leta, i žyćcio prachodzić mima», — raskazvaje naša surazmoŭnica. A jašče, narakaje Alina, praz addalenuju pracu i joj, i mužu nie chapaje kamunikacyi i novych znajomstvaŭ. 

Idealnym varyjantam dla pary zdavaŭsia kalivinh: «pryroda + novyja znajomstvy + cikavy volny čas» — muž Aliny šukaŭ takija ŭ Biełarusi i nie znachodziŭ. Varyjanty byli tolki za miažoj. 

— I raptam niadaŭna my vypadkova natknulisia ŭ Instagram na rekłamu kalivinha na bierazie Niomana i vyrašyli zapisacca.

Alina raskazvaje, što jany spynilisia ŭ vialikim domie: u im jość pakoi na dvaich, ale jość i na kampaniju z 6 čałaviek, raśsialeńnie — pa hiendarnaj prykmiecie. A jašče možna žyć u svaim namiocie.

Haściej kormiać try razy na dzień. Dniom usie pracujuć — pracoŭny čas pamiž saboj uzhadnili. Miescaŭ dla hetaha dastatkova, Alina naličyła da 20. «Samaje krutoje — na vulicy ź vidam na raku»: tam staić stoł i łavačka. Vialiki pakoj z kaminam usie vykarystoŭvajuć jak mitynh-rum. 

Fota z asabistaha archiva hieraini

Viečarami hości adpačyvajuć, hulajuć u «nastołki», razmaŭlajuć la vohnišča, chodziać kupacca. Chtości navat źbiraŭ hryby — les zusim pobač. Muž Aliny rybačyŭ. 

Arhanizatary kalivinha prapanoŭvajuć haściam roznyja aktyŭnaści: katańnie na kvadracykłach i bajdarkach, možna zajmacca vierchavoj jazdoj.

— Byli siarod nas i tyja, chto pracavaŭ pozna ŭviečary, jany sychodzili albo ŭ inšaje pamiaškańnie, albo siadzieli ŭviečary z nami — im heta nie zaminała.

Alina adznačaje, što dla jaje byŭ vielmi karysny dośvied znosin ź inšymi ajcišnikami — susiedzi pa kalivinhu nie tolki dzialilisia paradami pa pošuku pracy, chtości navat adpraviŭ jaje reziume ŭ HR-adździeł svajoj kampanii».

Pabudavać kalivinh maryŭ kaliści i zasnavalnik PandaDoc Mikita Mikada. Jon žyŭ u takim u razhar pandemii: «Pustujučy pansijanat zasialili blizkimi pa duchu pracaŭnikami ličbavaj industryi. Na piku było čałaviek 30: my razam hatavali, hulali ŭ valejboł, pracavali, śpiavali i tancavali. Było dobra».

Mikita pisaŭ, što «ludziej, jakija pracujuć addalena, stanovicca ŭsio bolš i bolš», i pytaŭsia ŭ svaich padpisčykaŭ u fejsbuku, ci chacieli b jany dałučycca da Mikady. Achvotnych było niamała.

Kamientary4

  • Indiejec
    07.08.2024
    Na kakije šiši i kiem eta "mołodaja front-endŝica" pracavała v kolivinhie na bieriehu Niemana s komarami i 100 baksov v dień s čiełovieka optom(nie optom - 150), pośle svoich 8-i miesiačnych kursov?Očieriednoj "rietrit" dla ajtišnych dieniežnych mieškov, i pyl v hłaza dla vkatunov, čtoby i dalšie pachali za misku risa.
  • Indiejec
    07.08.2024
    [Red. vydalena]
  • Indiejec
    07.08.2024
    [Red. vydalena]

Ciapier čytajuć

Syny «litoŭskaha špijona» adpravili Łukašenku list. Tym časam uspłyli novyja detali jaho spravy2

Syny «litoŭskaha špijona» adpravili Łukašenku list. Tym časam uspłyli novyja detali jaho spravy

Usie naviny →
Usie naviny

Na vystupie ŭ Sočy Pucin pažartavaŭ pra drony ŭ Jeŭropie: «Ja bolš nie budu» 6

«Zrazumieła, što takoje być darosłaj». Prahramistka pierajechała ŭ Łos-Andželes z EPAM i syšła ŭ Disney9

Što ź jakaściu mabilnaha internetu? Ministr sprabuje patłumačyć10

Vypadkovy śviedka zaśpieŭ mańjaka-lifciora kala achviary. I paprasiŭ jaho pabyć pobač z zabitaj dziaŭčynaj, pakul nie pryjedzie milicyja7

Raptoŭna pamior adzin z načalnikaŭ bresckaj milicyi16

Łukašenku na ruku, što Ukraina bje pa rasijskich NPZ? Što heta pryniasie Biełarusi20

Pastaŭki rakiet «Tamahaŭk» va Ukrainu małajmaviernyja — Reuters5

«U cełym vodhuki stanoŭčyja». U Minharvykankamie raskazali pra vyniki zabarony smartfonaŭ u škołach

Čym ciapier zajmajecca eks-udzielnik hurtu ŁSP Piatro Klujeŭ?4

bolš čytanych navin
bolš łajkanych navin

Syny «litoŭskaha špijona» adpravili Łukašenku list. Tym časam uspłyli novyja detali jaho spravy2

Syny «litoŭskaha špijona» adpravili Łukašenku list. Tym časam uspłyli novyja detali jaho spravy

Hałoŭnaje
Usie naviny →

Zaŭvaha:

 

 

 

 

Zakryć Paviedamić