Biełarus pryjšoŭ na kanfierencyju Novaj Biełarusi ź jarkim manikiuram u padtrymku Kamały Charys FOTY
Na kanfierencyi Novaj Biełarusi siarod mužčyn u strohich harniturach vydzialaŭsia małady chłopiec ź jarkimi sałatavymi paznohciami. «Kamała 2024» napisana na ich. Paznajomilisia z epatažnym junakom bližej.
Hleb Vaškievič student, źjechaŭ ź Biełarusi ŭ 2021 hodzie. Ciapier jon žyvie ŭ ZŠA, a ŭ Litvu pryjechaŭ da siabroŭ i rodnych na kanikuły.
«Ja płanavaŭ vučycca ŭ Złučanych Štatach jašče da ŭsioj hetaj situacyi [paśla vybaraŭ 2020]. Pastupaŭ u Kaliforniju, tam troški pavučyŭsia i ciapier pierajechaŭ u Čykaha. Vučusia na markietołaha va Univiersitecie Łajoła. Ja atrymlivaju stypiendyju — mieŭ dobryja adznaki, napisaŭ niekalki matyvacyjnych listoŭ, u tym liku pra svoj aktyvizm, što, mahčyma, taksama paŭpłyvała na toje, što dali dobruju stypiendyju».
Hleb raskazvaje, što jaho mama-ŭkrainka taksama vyjechała ź Biełarusi niezadoŭha da vajny i paśla nie viartałasia. «Joj ciažka było hladzieć, jak jaje rodnuju krainu atakujuć ź inšaj rodnaj krainy».
Pra svoj jarki styl chłopiec tłumačyć: jon cikavicca modaj, choča być madellu.
«Mnie vielmi padabajecca miksavać roznyja kolery i sumna, što ŭ nas hramadstva troški nie zvykłaje da takoha epatažu, asabliva kali razmova pra chłopčykaŭ. Ja namahajusia hety stereatyp łamać. Nie važna, chłopiec ty ci dziaŭčyna — ty možaš być modnym».
U Biełarusi Hleb taksama jarka apranaŭsia, moh pryjści ŭ škołu ŭ spadnicy. Kaža, praz heta prylatała šmat chejtu. Ale ž hramadstva, asabliva moładź, mianiajecca.
«Paznohci farbuju ź listapada 2020 hoda, kali byli vybary ŭ Złučanych Štatach. Ja tady napisaŭ u siabie ŭ instahramie: kali Bajden pieramoža na vybarach, to ja pafarbuju ŭ amierykanski ściah paznohci. Jon pieramoh, i ja svajo abiacańnie strymaŭ. I z tych časoŭ farbuju paznohci. Dla mianie heta kruty sposab samavyjaŭlacca i być stylnym».
Hleb, darečy, zapisaŭsia vałancioram u štab Kamały Charys, jakaja źbirajecca bałatavacca na vybarach u ZŠA ad Demakratyčnaj partyi.
«U mianie pakul niama amierykanskaha pašparta, tamu ja nie mahu hałasavać. Ale ja mahu być vałancioram, tamu budu rabić toje, što zmahu, kab dapamahčy joj pieramahčy. Ja liču, što žančyny pavinny hetym śvietam kiravać. Voś pahladzieć na biełaruski dośvied: kali ŭ nas źjaviłasia žančyna, apazicyja ŭpieršyniu pieramahła».
Hleb paabiacaŭ na druhi dzień kanfierencyi pryjści jašče bolš epatažnym.
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?
Jahoraŭ prapanuje pryznać lehitymnaść Łukašenki, kali heta dazvolić vyzvalić palitviaźniaŭ
Łatuška: My vystupajem za toje, kab na vybarach hałasavać suprać usich
Cichanoŭskaja: My nie viedali pra abmien źniavolenymi i nie ŭdzielničali ŭ pracesie
U Vilni startavała kanfierencyja «Novaja Biełaruś»
Ciapier čytajuć
«Ja naviedaŭ samuju izalavanuju krainu Jeŭropy». Amierykanski błohier raskazaŭ, jak pryjazdžaŭ u Biełaruś u 2020-m i 2024-m4
Kamientary