Minabarony Rasii: U noč na subotu nad siamiu rehijonami RF i Azoŭskim moram byli źbityja 75 bieśpiłotnikaŭ
Samamu masiravanamu napadu padvierhlisia Rastoŭskaja, Biełaharadskaja i Arłoŭskaja vobłaści.
U paviedamleńni Minabarony Rasii śćviardžajecca, što minułaj nočču siem rehijonaŭ RF byli atakavanyja 74 dronami, usie jany byli «pierachoplenyja i źniščanyja» (jašče adzin bieśpiłotnik — nad Azoŭskim moram), piša Bi-bi-si.
Samamu masiravanamu napadu padvierhlisia Rastoŭskaja (36 dronaŭ), Arłoŭskaja (17 dronaŭ), Biełharadskaja (9 dronaŭ), Kurskaja vobłaści (dronaŭ).
Hubiernatar Arłoŭskaj vobłaści Andrej Kłyčkoŭ nočču paviedamlaŭ ab napadzie 5 bieśpiłotnikaŭ, dva ź jakich, pavodle jaho słoŭ, trapili ŭ žyły dom. Paciarpiełych nie było, śćviardžaŭ hubiernatar.
Hubiernatar Rastoŭskaj vobłaści Vasil Hołubieŭ zajaviŭ, što ŭ vyniku masiravanaha napadu bieśpiłotnikaŭ na rehijon «paškodžańni atrymaŭ šerah składskich abjektaŭ u Kamienskim i Marozaŭskim rajonach».
Telehram-kanał Mash paviedamlaŭ, što ŭ Marozaŭsku bieśpiłotniki atakavali aeradrom.
Kamientary