Kiryła Budanaŭ nie vyklučyŭ źniščeńnia Krymskaha mosta ŭ najbližejšy čas
Kiraŭnik Hałoŭnaha ŭpraŭleńnia raźviedki Minabarony Ukrainy prakamientavaŭ mahčymaść źniščeńnia Krymskaha mosta.
Na pytańnie žurnalistki pra toje, kali nie stanie mosta, Budanaŭ adkazaŭ: «Usie pracujuć i nad dalokimi ŭdarami, i nad hetym. Heta ŭsio maje patrebu, skažam tak, u kompleksnym rašeńni. Praca idzie», — cytuje jaho zajavu padčas Nacyjanalnaha telemarafona hromadske.ua
Žurnalistka ŭdakładniła, ci možna čakać vynikaŭ najbližejšym časam — niekalki miesiacaŭ ci sioleta.
«Ja b taksama chacieŭ hetaha. Kali tak najbližejšym časam hladzieć, to šancy jość», — zajaviŭ Budanaŭ.
Tym časam ruch aŭtamabilnaha transpartu pa Krymskim moście ranicaj časova pierakryty, piša Interfaks.
Kolkaść aŭtamabilaŭ, jakija čakajuć prajezdu praz nadhladnyja punkty na Krymskim moście ŭ subotu ŭnačy, dasiahnuła 990.
Napady na Krymski most
U kastryčniku 2022-ha paśla vybuchu na moście tam zaharelisia čyhunačnyja vahony z palivam, častkova abrynulisia dva praloty aŭtamabilnaj častki mosta.
Paśla vybuchaŭ na moście ŭ noč na 17 lipienia 2023 hoda tam byŭ źniščany adzin pralot, jašče adzin — paškodžany. Rasija taksama zajaviła pra zahinułych i paranienych.
Padčas vajny Krymski most staŭ važnaj łahistyčnaj nitkaj dla rasijskich vojskaŭ: mienavita praź jaho pierakidvali padmacavańnie armii, u tym liku na poŭdni. Hety most źjaŭlajecca simvałam pastajannaj rasijskaj prysutnaści na anieksavanych ziemlach.
-
Ukrainski F-16 źbiŭ rasijski Su-35 dziakujučy dapamozie šviedskaha samalota
-
Čały praanalizavaŭ detali ŭkrainskaj apieracyi «Pavucińnie» i pryjšoŭ da niečakanaj vysnovy
-
Rasija zajaviła ab uvarvańni ŭ Dnieprapiatroŭskuju vobłaść. Ekśpierty paćvierdzili bai ŭ niekalkich sotniach mietraŭ ad miažy rehijona
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi46
Kamientary