Iran, Turcyja, chusity i «Chiezbała» pahražajuć Izrailu paśla zabojstva lidara CHAMAS
Viarchoŭny lidar Irana Ali Chamieniei zajaviŭ, što «surovaje pakarańnie» dla Izraila za śmierć Chanii — heta «abaviazak Tehierana».
Novy prezident Irana Masud Piezieškijan asudziŭ zabojstva adnaho ź lidaraŭ CHAMAS Ismaiła Chanii ŭ Tehieranie i zajaviŭ, što Iran «budzie abaraniać svaju terytaryjalnuju cełasnaść», piša Bild.
Piezieškijan taksama dadaŭ, što «terarystyčnyja akupanty paškadujuć ab svaim bajaźlivym učynku». Viarchoŭny lidar Irana Ali Chamieniei zajaviŭ, što «surovaje pakarańnie» dla Izraila za śmierć Chanii — heta «abaviazak Tehierana».
Taksama nakont zabojstva Chanii vykazalisia pradstaŭniki jemienskich chusitaŭ. Jany nazvali likvidacyju adnaho ź lidaraŭ CHAMAS «ahidnym terarystyčnym złačynstvam» i «aburalnym parušeńniem zakonaŭ».
Pry hetym sami jemienskija chusity na praciahu apošnich miesiacaŭ abstrelvajuć rakietami sudny ŭ Čyrvonym mory i Adenskim zalivie, kab jany nie pryšvartavalisia ŭ izrailskich partach.
Terarystyčnaja arhanizacyja «Chiezbała» paśla zabojstva Chanii ŭžo vystupiła z pahrozami ŭ adras Izraila. Jaho śmierć, jak śćviardžajuć u «Chiezbale», zrobić «supraciŭ Izrailu jašče bolš rašučym».
Akramia taho, z aficyjnymi kamientarami vystupiła i Ministerstva zamiežnych spravaŭ Turcyi. Pa słovach pradstaŭnika tureckaha MZS, «haniebnaje zabojstva Chanii nakiravana na pašyreńnie vajny ŭ Hazie da mižnarodnaha maštabu».
Ministr kulturnaj spadčyny Izraila Amichaj Elijahu, u svaju čarhu, nie staŭ chavać svajoj radaści nakont zabojstva Chanii.
«Heta dakładny sposab ačyścić śviet ad hetaha brudu. Śmierć Chanii robić śviet krychu lepšym», — napisaŭ jon u sacyjalnaj sietcy X.
Padobnaje mierkavańnie vykazała Ejnaŭ Zanhaŭkier — maci Matana Zanhaŭkiera, jakoha bajeviki CHAMAS pavieźli ŭ siektar Haza.
«Miesca vierchavodaŭ žachlivaha CHAMAS — u piekle, i my ŭsio za toje, kab jany zapłacili za svaje dziejańni. Ale my nie možam dazvolić zabojstvu Chanii pakłaści kaniec damovie i vyrakčy našych blizkich u pałonie na śmierć», — skazała Zanhaŭkier.
Ismaił Chanija zahinuŭ u vyniku avijaŭdaru Izraila pa jaho rezidencyi ŭ Tehieranie. Dniom 30 lipienia jon braŭ udzieł u inaŭhuracyi prezidenta Irana Masuda Piezieškijana.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary