«Znatnyja kilery ŭžo katajucca pa horadzie». U rasijskim SK raskazali pra pamiłavanych Pucinym zabojcaŭ
Načalnik upraŭleńnia pa rasśledavańni asabliva važnych spraŭ upraŭleńnia Śledčaha kamiteta pa Sankt-Pieciarburhu Juryj Jaškoŭ u intervju vydańniu «Fontanka» padzialiŭsia razvahami pra asudžanych za ciažkija złačynstvy, pamiłavanych Pucinym za ŭdzieł u vajnie va Ukrainie. Jak vynikaje ź jahonych słoŭ, vysokapastaŭleny siłavik nie ličyć patrebnym navat rabić vyhlad, što hetyja ludzi mohuć vypravicca.
«My viedajem, chto vychodzić, znatnyja kilery ŭžo katajucca pa horadzie, adzvońvajucca nam, abiacajuć bolš nie svavolić. Ale heta tyja, ź jakimi byŭ kantakt, jakija supracoŭničali. Nie ŭsie vyzvalenyja tak robiać. Ja starajusia sačyć za niejkimi adyjoznymi tavaryšami, pra jakich viedaju, što jany dakładna niebiaśpiečnyja», — skazaŭ Jaškoŭ.
Jon adznačyŭ, što adzin z vyzvalenych bandytaŭ pracuje taksistam. Jaškoŭ razasłaŭ apieratyŭnikam jaho fatahrafii, bo baicca za klijentaŭ. Maŭlaŭ, sam nie vieryć, što taki čałaviek vypraviŭsia.
Śledčy taksama adznačyŭ, što zabojcaŭ, jakija vyzvalilisia, šmat.
«Dumaju, ich chapaje. Ale ja mahu kazać tolki pra tych, kaho asabista viedaju. Pakul što mahu dakładna nazvać dvaich. Ja ŭ ich upeŭnieny, što jany nie ŭtrymajucca», — udakładniŭ jon.
Pry hetym Jaškoŭ padkreśliŭ, što incydentaŭ siarod udzielnikaŭ vajny ŭ Sankt-Pieciarburhu praktyčna nie było, akramia stralby ŭ restaranie «Čabrec». Tady Alaksiej Isakaŭ, jaki vyzvaliŭsia z kałonii i vajavaŭ va Ukrainie, zastreliŭ svajho znajomaha z-za doŭhu ŭ 5 młn rasijskich rubloŭ (kala 57,5 tys. dalaraŭ).
Rasijskija vajskoŭcy, jakija viarnulisia z vajny va Ukrainie, užo ŭčynili nie mienš za 83 złačynstvy. Bolšaść złačynstvaŭ ździejśnili byłyja źniavolenyja, pamiłavanyja dla ŭdziełu ŭ vajnie ŭ składzie PVK «Vahnier». Nie mienš za 37 byłych zekaŭ znoŭ ździejśnili zabojstvy paśla viartańnia z vajny.
«50 tysiač pamiłavanych hałavarezaŭ». U Rasii amal pałova zekaŭ, jakija viarnulisia z vajny, viartajecca za kraty, dzie ich znoŭ viarbujuć
U Rasii mužčyna, jakoha asudzili na 20 hadoŭ za zhvałtavańnie i zabojstva, atrymaŭ pamiłavańnie za ŭdzieł u vajnie z Ukrainaj
Asudžany na 14 hadoŭ rasčlaniciel z Čyty viarnuŭsia z vajny va Ukrainie i atrymaŭ čarhovyja 14 hadoŭ za novaje zabojstva
Baćku pres-sakratara RPC zabiŭ recydyvist, jaki z kałonii zavierbavaŭsia na vajnu va Ukrainie. Z frontu jon źbieh
Za ŭdzieł u vajnie z Ukrainaj Pucin pamiłavaŭ sachalinskaha ludajeda
Ciapier čytajuć
Pamiłavanyja 15 čałaviek, siarod jakich 13 palitviaźniaŭ14
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary