Minzdaroŭja raskazała pra stan paciarpiełych u avaryi pad Minskam
Pavodle infarmacyi Ministerstva achovy zdaroŭja, usiaho ŭ balnicy paśla avaryi trapili siem pacyjentaŭ, choć raniej paviedamlałasia pra vosiem.
Dva čałavieki byli špitalizavanyja ŭ Minskuju abłasnuju kliničnuju balnicu, troje dziaciej — u Minskuju abłasnuju dziciačuju kliničnuju balnicu. Jašče dvoje paciarpiełych nakiravanyja na ambułatornaje lačeńnie.
Stan adnaho z paciarpiełych aceńvajecca jak ciažki, jamu rabili apieracyju ŭ Minskaj abłasnoj kliničnaj balnicy.
Inšy čałaviek znachodzicca ŭ adździaleńni traŭmatałohii i artapiedyi ŭ stanie siaredniaj stupieni ciažkaści.
Paciarpiełyja dzieci znachodziacca ŭ adździaleńni chirurhii i nieŭrałohii ŭ stanie siaredniaj stupieni ciažkaści.
Avaryja adbyłasia siońnia dniom na 23-m kiłamietry darohi R65 Zasłaŭje — Dziaržynsk — Voziera. Kiroŭca aŭtamabila Audi 100, u jakim znachodzilisia piaciora dziaciej i troje darosłych, pablizu vioski Duličy nie sastupiŭ darohu aŭtamabilu Nissan pad kiravańniem 65-hadovaha minčuka, jaki jechaŭ pa hałoŭnaj trasie. U vyniku aŭto sutyknulisia.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary