KNDR znoŭ zapuściła šary sa śmiećciem na poŭdzień. Adzin ź ich upaŭ la rezidencyi prezidenta Paŭdniovaj Karei
Prezidencki kompleks achoŭvajecca vajskoŭcami, nad im dziejničaje zabaronienaja dla palotaŭ zona.
Paŭnočnaja Kareja ŭ noč na sieradu znoŭ zapuściła ŭ bok miažy z Paŭdniovaj Karejaj pavietranyja šary sa śmiećciem. Adzin ź ich pryziamliŭsia ŭ sieulskim rajonie Jonsan na terytoryi aficyjnaj rezidencyi i ofisa prezidenta Paŭdniovaj Karei Jun Sok Jola, piša Bi-bi-si.
Słužba biaśpieki prezidenta (PSS) paviedamiła, što joj daviałosia mabilizavać hrupy ekstranaha reahavańnia paśla vyjaŭleńnia abjekta.
«Hrupa reahavańnia na chimičnuju, bijałahičnuju i radyjełahičnuju zbroju ščaśliva sabrała śmiećcievyja šary, — paviedamili AFP u PSS. — Vyniki rasśledavańnia paćvierdzili adsutnaść niebiaśpieki abo zaražeńnia abjekta».
Prezidencki kompleks achoŭvajecca vajskoŭcami, nad im dziejničaje zabaronienaja dla palotaŭ zona.
Abjadnany kamitet načalnikaŭ štaboŭ Paŭdniovaj Karei raniej paćvierdziŭ, što Pchieńjan znoŭ zapuściŭ šary sa śmiećciem, a ŭłady Sieuła ŭ sieradu ranicaj vypuścili papiaredžańnie dla miascovych žycharoŭ.
«Kali vy vyjavicie šary, nie čapajcie ich i paviedamicie ŭ bližejšuju vajskovuju častku abo palicejski ŭčastak», — havaryłasia ŭ im.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY16
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary