66-hadovaha fiederalnaha kanclera Hiermanii Ołafa Šolca i raniej paprakali ŭ staramodnaści. Naprykład, za toje, što jon zaŭsiody nosić dakumienty ŭ adnym i tym ža parepanym partfieli, jakomu ŭžo 40 hadoŭ. Ale akazałasia, što heta jašče drabnica, piša Bild.
Dniami na pieradvybarnym mitynhu Sacyjał-demakratyčnaj partyi Hiermanii ŭ Drezdenie Šolc zrabiŭ jašče adno pryznańnie:
akazvajecca, u jaho doma dahetul staić lampavy televizar. Jon uspomniŭ pra heta pry adkazie na pytańnie ab pierachodzie na elektramabili.
Pa słovach kanclera, jahony stary televizar da hetaha času vydatna pracuje, tamu kali jon bačyć u katałohu novuju madel, to dumaje sam sabie, što praz hod i taja ŭsio adno sastareje. U vyniku palityk tak dahetul i nie kupiŭ novy.
Šolc vykazaŭ zdahadku, što mnohija kirujucca toj ža łohikaj pry vybary aŭtamabila, tamu elektrakary pradajucca nie tak chutka, jak chaciełasia b.
Kamientary