Ołaf Šolc znoŭ źjaviŭsia na publicy z płastyram na tvary. Što hetym razam?
28 červienia fiederalny kancler Hiermanii Ołaf Šolc naviedaŭ mižnarodny palicejski centr čempijanatu Jeŭropy pa futbole. Na apublikavanych fotazdymkach vidać, što na padbarodku ŭ kanclera — płastyr, i heta adrazu vyklikała roznyja zdahadki, piša Bild.
Pryčyna, adnak, akazałasia banalnaj — kiraŭnik niamieckaha ŭrada parezaŭsia padčas haleńnia.
Napiaredadni ŭviečary Šolc vioŭ pieramovy z kiraŭnikami dziaržaŭ ES da poźniaj nočy, a nastupnaja aficyjnaja sustreča była zapłanavanaja na vosiem hadzin ranicy. Jak vyjaviłasia, Šolc praktyčna nie paśpieŭ paspać. Tamu, kali kancler pračnuŭsia i pačaŭ halicca, jon vypadkova parezaŭ padbarodak.
Takoje ŭžo zdarałasia raniej. Tak, u vieraśni 2023 hoda ŭ Ńju-Jorku Šolc padčas haleńnia parezaŭ sabie nos.
Ale značna bolš surjoznym byŭ vypadak na adnoj z ranišnich prabiežak. U tym ža vieraśni 2023 hoda Šolc padčas prabiežki ŭ Patsdamie spatyknuŭsia i ŭpaŭ, stuknuŭšysia ab ziamlu tvaram. Tady jon paškodziŭ voka — miedyki paraili jamu niekalki dzion nasić śpiecyjalnuju paviazku.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary