Олаф Шольц зноў з'явіўся на публіцы з пластырам на твары. Што гэтым разам?
28 чэрвеня федэральны канцлер Германіі Олаф Шольц наведаў міжнародны паліцэйскі цэнтр чэмпіянату Еўропы па футболе. На апублікаваных фотаздымках відаць, што на падбародку ў канцлера — пластыр, і гэта адразу выклікала розныя здагадкі, піша Bild.
Прычына, аднак, аказалася банальнай — кіраўнік нямецкага ўрада парэзаўся падчас галення.
Напярэдадні ўвечары Шольц вёў перамовы з кіраўнікамі дзяржаў ЕС да позняй ночы, а наступная афіцыйная сустрэча была запланаваная на восем гадзін раніцы. Як выявілася, Шольц практычна не паспеў паспаць. Таму, калі канцлер прачнуўся і пачаў галіцца, ён выпадкова парэзаў падбародак.
Такое ўжо здаралася раней. Так, у верасні 2023 года ў Нью-Ёрку Шольц падчас галення парэзаў сабе нос.
Але значна больш сур'ёзным быў выпадак на адной з ранішніх прабежак. У тым жа верасні 2023 года Шольц падчас прабежкі ў Патсдаме спатыкнуўся і ўпаў, стукнуўшыся аб зямлю тварам. Тады ён пашкодзіў вока — медыкі параілі яму некалькі дзён насіць спецыяльную павязку.
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары