Kino

Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel

Skarlet Jochansan adznačyła, što hiendyrektar OpenAI Sem Altman moh by stać vydatnym pratatypam złydnia dla kinasuśvietu studyi Marvel, piša Forbes.

Kadr z ramantyčnaj kamiedyi «Palot na Miesiac» sa Skarlet Jochansen i Čeninham Tejtumam, jaki vyjšaŭ na ekrany 12 lipienia i abiacaje stać chitom. 

Pa słovach Skarlet Jochansan u intervju vydańniu The New York Times (NYT), hienieralny dyrektar technałahičnaj kampanii OpenAI, jakaja zajmajecca raspracoŭkami ŭ halinie štučnaha intelektu (II), Sem Altman moh by stać pratatypam złydnia dla kinasuśvietu studyi Marvel.

«Ja dumaju, što jon moh by źjavicca ŭ filmie z rabatyzavanaj rukoj», — skazała jana.

U kancy viasny aktrysa abvinavaciła OpenAI u tym, što adzin z hałasoŭ novaj madeli hienieratyŭnaha II GPT-4o «žachliva padobny» na jaje ŭłasny. Kampanija pradstaviła novuju viersiju čat-bota ŭ mai. Dziakujučy abnaŭleńniu niejrasietka navučyłasia śpiavać, mianiać intanacyju hołasu i raspaznavać emocyi karystalnika.

Paśla relizu karystalniki sacsietki adznačyli, što hołas pad nazvaj Sky, adzin ź niekalkich vykarystanych ŠI, padobny na hołas Skarlet Jochansan.

Aktrysa tady zapatrabavała, kab kampanija raskryła praces stvareńnia hołasu dla ŠI-pamočnika.

Jana rakazała, što jašče ŭ vieraśni 2023 hoda Sem Altman źviarnuŭsia da jaje z prapanovaj dazvolić vykarystoŭvać jaje hołas dla novaha hałasavoha pamočnika ChatGPT, adnak jana admoviłasia «pa asabistych pryčynach». 

«Ja adčuvała, što nie chaču być u avanhardzie ŭsiaho hetaha. Mnie prosta padałosia, što ŭsio heta supiarečyć maim kaštoŭnaściam. [Sem Altman] pryjšoŭ da mianie z hetaj prapanovaj, i ja nikomu, akramia muža, pra heta nie raskazała. Akramia taho, mnie padałosia, što ŭsio heta budzie zanadta dziŭna dla maich dziaciej», — patłumačyła ŭ intervju NYT svaju admovu Jochansan. 

Kali na prezientacyi kampanija pradstaviła novyja hałasy čat-bota, jana była šakavanaja tym, jak adzin ź ich — Sky — byŭ padobny na jaje ŭłasny. U OpenAI pry hetym paźniej zajavili, što varyjant ahučki Sky nie źjaŭlajecca imitacyjaj hołasa Skarlet Jochansan i naležyć inšaj aktorcy. 

U intervju NYT Jochansan taksama dadała, što ŭ jaje vyklikaje aściarohu chutkaje raźvićcio technałohii dypfejku, jakaja dazvalaje z dapamohaj niejrasietak ukaraniać u vyjavy, aŭdyjo i videa peŭnyja elemienty.

Aktrysa nazvała dypfejki «ciomnaj čarviatočynaj, ź jakoj niemahčyma vybracca», adznačyŭšy, što technałohija na hety momant nijak zakanadaŭča nie rehulujecca ŭ ZŠA.

«Jak tolki vy sprabujecie prybrać niešta ŭ adnym miescy, niešta inšaje ŭspłyvaje dzie-niebudź jašče. Jość, viadoma, i inšyja krainy, u jakich dziejničajuć roznyja zakony i praviły. [Ale ŭjavicie], kali vaš były partnior z pomsty vykładzie porna-dypfejk, usio vaša žyćcio moža być całkam razburana», — skazała Jochansan.

Kamientary

Ciapier čytajuć

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana3

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana

Usie naviny →
Usie naviny

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej23

Łukašenka raskazaŭ, što karova pavinna stajać u pałacy i kožnamu nieabchodna «choć pa dźvie barazionki» bulby pasadzić20

U Kijevie ŭžo kala 100 paciarpiełych padčas načnoha ŭdaru1

Izrail zabiŭ i novaha kiraŭnika Hienštaba armii Irana. Jon zajmaŭ pasadu paru dzion7

U Minsku źnikła piensijanierka. Akazałasia, što jana pa prośbie «śledčych» stała kurjeram machlaroŭ 

Jakija banki hatovy ŭziać u vas nie samyja idealnyja kupiury

Što ciapier z archivam KDB ab represijach u BSSR, jaki zmahli zdabyć byłyja siłaviki? Kali jaho apubličać?51

Biełaruski pijanist uziaŭ adrazu try pryzy na konkursie ŭ Valensii

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami32

bolš čytanych navin
bolš łajkanych navin

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana3

«My dakładna viedajem, dzie chavajecca tak zvany Viarchoŭny lidar. Jon — lohkaja cel». Tramp patrabuje kapitulacyi Irana

Hałoŭnaje
Usie naviny →

Zaŭvaha:

 

 

 

 

Zakryć Paviedamić