Openal, Microsoft i Amazon damovilisia abaraniać čałaviectva ad mahutnych ŠI-sistem
Vierahodnaść «uciokaŭ» niejrasietki ad čałavieka raście. Heta pieršaje maštabnaje pahadnieńnie pa biaśpiecy štučnaha intelektu.
OpenAI, Microsoft, Amazon i jašče 13 bujnych kampanij, jakija zajmajucca raspracoŭkami ŭ śfiery štučnaha intelektu, padpisali maštabnaje pahadnieńnie ab biaśpiecy.
Damova praduhledžvaje, što kampanii raspracujuć śpiecyjalnyja pratakoły biaśpieki, jakija dazvolać nie vykarystoŭvać štučny intelekt u niebiaśpiečnych dla čałaviectva abo złačynnych metach. Kampanii taksama pavinny buduć rastłumačyć, jak jany źbirajucca aceńvać ryzyki i jakija pastanovy buduć prymać u tych ci inšych situacyjach, paviedamlaje brytanski ŭrad.
Taksama padpisanty pahadnieńnia vyznačać «čyrvonyja linii», pry pierasiačeńni jakich raspracoŭki buduć prypyniacca, a prajekty — adklučacca. Vyznačyć hetyja «čyrvonyja linii» dapamohuć urady krain.
U liku patencyjnych ryzyk nazyvajuć aŭtamatyzavanyja kibierataki i pahrozu stvareńnia bijałahičnaj zbroi z dapamohaj ŠI. Dla takich vypadkaŭ kampanii pavinny buduć praduhledzieć» avaryjnyja vyklučalniki», aktyvacyja jakich prypynić raspracoŭki.
Pahadnieńnie było padpisana ŭ chodzie Samitu pa ŠI ŭ Sieule. Akramia taho, na kanfierencyi kiraŭnik OpenAI Sem Altman anansavaŭ vychad GPT-5. Padrabiaznaściaŭ jon nie raskryŭ, adnak namiaknuŭ, što novaja viersija ŠI budzie značna bolš mahutnaj za papiaredniuju — na słajdzie, jaki pakazaŭ Altman, GPT-5 pradstaŭlena ŭ videa vializnaha kita, tady jak GPT-4 namalavanaja kasatkaj. Čakajecca, što sistema budzie zapuščana ŭ najbližejšyja miesiacy.
Ekśpierty i karystalniki raniej vykazvali mierkavańnie, što z vychadam GPT-5 vierahodnaść «uciokaŭ» ŠI z-pad čałaviečaha kantrolu ŭzraście da 22%.
-
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ8
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary