Tolki za apošni miesiac nad Biełaruśsiu pralatali 6 pasažyrskich samalotaŭ, jakija nie pavinny byli hetaha rabić
Telehram-kanał «MotolkoPomohi», kamientujučy situacyju ź niadaŭnim 20-chvilinnym pralotam nad Biełaruśsiu samalota avijakampanii AirBaltic, jaki lacieŭ z Ryhi ŭ Pryšcinu, adznačyŭ, što ničoha niečakanaha ŭ joj, nasupierak śćviardžeńniam litoŭskich ŚMI, niama.
Jak śćviardžaje telehram-kanał, niahledziačy na ŭviedzienyja ŭ 2021 hodzie zabarony nad pavietranaj prastoraj Biełarusi, zamiežnyja samaloty praciahnuli pieryjadyčna zalatać u Biełaruś.
Časam barty avijakampanij Turkish Airlines abo Air Montenegro metanakiravana lacieli praź Biełaruś, mahčyma, skaračajučy maršrut. Adnak u bolšaści vypadkaŭ zachody ŭ pavietranuju prastoru Biełarusi jeŭrapiejskich samalotaŭ byli (i buduć) z-za adnoj hałoŭnaj pryčyny — mieteaŭmovy (zaleva, navalnica, śnieh) na šlachu ruchu.
Na pryviedzienych kanałam malunkach pryviedzienyja 6 vypadkaŭ, jakija adbylisia tolki za apošni miesiac: jarka-zialonym koleram paznačanyja miežy zon apadkaŭ i maršrut samalotaŭ, jakija zalatali ŭ Biełaruś, kab banalna nie lacieć u navalnicu:
16 lipienia — užo zhadany rejs BTI2UE a/k AirBaltic (Ryha-Pryšcina);
11 lipienia — THY1SR Turkish Airlines (Vilnia-Stambuł);
22 červienia — RYR77J Ryanair (Ryha-Krakaŭ);
22 červienia — THY3RH Turkish Airlines (Stambuł-Vilnia);
22 červienia — SAS7847 SAS (Stakholm-Santaryni);
22 červienia — SAS7313 SAS (Budzio-Chańja).
Akramia taho, redakcyi taksama viadomyja supraćlehłyja vypadki, kali kiraŭnik pavietranym rucham u zonie aeraporta «Vilnia» stroha zabaraniaŭ bartam pierasiakać miažu ź Biełaruśsiu, niahledziačy na nadvorje. Da prykładu, jak u situacyi z rejsam RYR72PT avijakampanii Ryanair 25 maja. Vierahodna, što tady hetaja zabarona była abumoŭlenaja vielmi nizkaj vyšynioj palotu samalota, jaki rychtavaŭsia da pasadki.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary