Łatuška zaklikaŭ žurnalistaŭ i pravaabaroncaŭ ź Jeŭropy skarystacca ź biaźvizu
Kiraŭnik Narodnaha antykryzisnaha ŭpraŭleńnia Pavieł Łatuška stanoŭča acaniŭ pryniataje siońnia ŭ Minsku rašeńnie ab pašyreńni z 19 lipienia biaźvizavaha režymu na hramadzian nie tolki Polščy, Litvy i Łatvii, ale taksama i jašče 35 jeŭrapiejskich krain.
«Ja dumaju, što hetym abaviazkova varta skarystacca ŭ pieršuju čarhu žurnalistam i pravaabaroncam ź Jeŭropy.
Pryjechać i pahutaryć ź siemjami palitviaźniaŭ, byłymi palitviaźniami, padtrymać ich, dapamahčy pa mahčymaści. Źjeździć da turmaŭ, da «Akreścina». Naviedać mahiły zabitych režymam Łukašenki mirnych pratestoŭcaŭ i palitviaźniaŭ, ušanavać pamiać zahinułych ad ruk režymu ludziej. Źjeździć u Kurapaty.
U hetym ža niama ničoha supraćzakonnaha, praŭda?», — kiruje Łatuška rytaryčnaje pytańnie da ministra zamiežnych spraŭ Biełarusi Maksima Ryžankova.
«Nie budu padkazvać dalej, ale spadziajusia, što znojducca śmiełyja ludzi, jakija buduć hatovyja pryjechać i daviedacca praŭdu pra režym i pra toje, jak jon ździekujecca ź biełarusaŭ», — havoryć Łatuška.
«Karaciej, Maksim, na moj pohlad, ty ŭsio pravilna zrabiŭ. Vy ž nie budziecie ciapier słovy nazad zabirać? Biaźviz — značyć biaźviz!», — zajaŭlaje palityk.
Kiraŭnik MZS raskazaŭ, na kaho nie budzie raspaŭsiudžvacca biaźvizavy režym
Biełaruś ustanaviła biaźvizavy režym dla hramadzian 35 krain Jeŭropy
U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ
Łatuška: Ja mahu bajacca pić vadu ci kavu ŭ hramadskich miescach
Kamientary
A były ambasadar Łatuška chaj lepš sam spačatku raspaviadzie hetym žurnalistam i pravaabaroncam, jakich jon skiroŭvaje ŭ Biełaruś, jak jon asabista ŭsio žyćcio budavaŭ razam z Łukašenkam hetuju samuju dyktaturu.