Łatvija choča naohuł zabaranić mašynam ź biełaruskimi numarami pierasoŭvacca pa krainie
Ich buduć kanfiskoŭvać i pieradavać Ukrainie.
Z 00:00 ustupiła ŭ siłu zabarona ŭjazdžać u krainu na biełaruskich numarach. Zaraz Ministerstva justycyi Łatvii choča pajści dalej i ŭvieści poŭnuju zabaronu na ŭdzieł u darožnym ruchu dla mašyn z takimi numarami. Pra heta ministr justycyi Inesie Libinia-Ehnere raspaviała na łatvijskim telebačańni.
Z 00:01 aŭtamabili ź biełaruskimi rehistracyjnymi znakami na łatvijska-rasijskaj abo łatvijska-biełaruskaj miažy pry sprobie ŭjechać u Łatviju razvaročvajuć i prosiać viarnucca ŭ krainu, adkul jana pryjechała. Pry hetym kali mašyna z takimi numarami pasprabuje vyjechać u RF abo Biełaruś, jaje vypuściać: vyjazdžać možna, zajazdžać nielha. Ale heta pakul.
Inesie Libinia-Ehnere nahadała, što ŭ Łatvii ŭ dačynieńni da aŭtamabilaŭ z rasijskimi numarami dziejničaje poŭnaja zabarona: nielha ŭjazdžać, nielha jeździć pa krainie. Anałahičnaja zabarona pavinna być uviedzienaja i dla biełaruskich mašyn.
Tak jak sankcyi dla mašyn ź biełaruskimi numarami ŭstupili ŭ siłu tolki hetaj nočču, Ministerstva justycyi raspracuje dakładna takoje ž rehulavańnie dla mašyn ź biełaruskimi numarami, jakija ŭžo ŭdzielničajuć u darožnym ruchu», — skazała palityk.
Pavodle jaje słoŭ, kali takaja zabarona budzie ŭviedzienaja, aŭtamabili, jakija paśla niejkaha pierachodnaha pieryjadu nie buduć pierarehistravanyja i praciahnuć jeździć pa łatvijskich darohach, možna budzie kanfiskavać, u tym liku kab pieradać Ukrainie.
«Možna kazać pra dva kroki. Ciapier ustupili ŭ siłu sankcyi ES u dačynieńni da pierasiačeńnia miažy. A ŭ dačynieńni da ŭnutranaha paviedamleńnia nam treba papravić zakon, heta moža zrabić Siejm, a Ministerstva justycyi padaść zakonaprajekt», — skazała palityk.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»50
Kamientary