Vydańnie Myfin.by vyvučyła aficyjnuju statystyku pa zarobkach u rehijanalnym razrezie i pahladzieła, u jakich rajonach Biełarusi zafiksavanyja samyja nizkija siarednija zarobki.
Pavodle danych Biełstata, u razrezie abłaściej samy nizki naminalny naličany siaredni zarobak u mai 2024 hoda adznačany ŭ Mahiloŭskaj vobłaści — 1860,3 rub. U kancy rehijanalnaha rejtynhu apynulisia nastupnyja rajony: Mścisłaŭski (1500,2 rub.), Słaŭharadski (1501,5 rub.) i Chocimski (1519,6 rub.).
U Viciebskaj vobłaści siaredni zarobak skłaŭ 1905,9 rub. Mienš za ŭsio ŭ mai zarablali ŭ Šarkaŭščynskim (1530,8 rub.), Rasonskim (1547,9 rub.) i Ušackim (1578,1 rub.) rajonach.
Naminalny naličany siaredni zarobak u Bresckaj vobłaści apynuŭsia na ŭzroŭni 1945,6 rub. Aŭtsajdarami pa ŭzroŭni siaredniaha zarobku byli Hancavicki (1594,2 rub.), Stolinski (1624,6 rub.) i Drahičynski (1709,2 rub.) rajony.
U Hrodzienskaj vobłaści ŭ mai 2024 hoda siaredni zarobak skłaŭ 2008,0 rub. Samyja nizkija zarobki naličyli rabotnikam takich rajonaŭ, jak Iŭjeŭski (1508,0 rub.), Śvisłacki (1690,5 rub.), Karelicki (1691,2 rub.).
Naminalny naličany siaredni zarobak u Homielskaj vobłaści skłaŭ 2022,4 rub. Samyja biednyja rajony vobłaści pa vynikach maja — Akciabrski (1505,3 rub.), Lelčycki (1543,0 rub.) i Vietkaŭski (1557,5 rub.).
U Minskaj vobłaści siaredni zarobak u apošni miesiac viasny vyjšaŭ na ŭzrovień 2254,4 rub. Minimalnyja pakazčyki pa zarobkach zafiksavanyja ŭ Biarezinskim (1734,1 rub.), Vilejskim (1754,4 rub.) i Lubanskim (1803,5 rub.) rajonach.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki11
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary