Daŭhi biełarusaŭ pa spažyvieckich kredytach pieravysili 8 miljardaŭ rubloŭ
Novyja ličby ŭ 8,1 miljarda rubloŭ pryvioŭ člen praŭleńnia Nacbanka Alaksandr Šaŭko na kruhłym stale pa zakonaprajekcie ab spažyvieckich kredytach, piša Myfin.by. Raniej Nacbank paviedamlaŭ pra 6,2 miljarda rubloŭ za pieršyja 5 miesiacaŭ 2024 hoda.
«Ciapier idzie burny rost u nas, pačynajučy ź lutaha. Tempy hadavoha pryrostu zapazyčanaści pa spažyvieckich kredytach pieravyšajuć 40%. Heta vielmi vysoki ŭzrovień… Heta pik, jakoha ŭ našaj krainie ŭžo nie było dastatkova doŭha», — adznačyŭ pradstaŭnik Nacbanka.
Šaŭko rastłumačyŭ, što kredyty stali bolš dastupnymi: siaredniaja staŭka składaje 9,6%. Stymuluje kredytavańnie i toje, što hrošy ŭ mnohich bankach možna pazyčyć anłajn, nie vychodziačy z doma.
Mikrapazyki taksama papularnyja ŭ biełarusaŭ. Šaŭko paviedamiŭ, što ŭ minułym hodzie siaredniaja pracentnaja staŭka pa takich kredytach składała 1% u dzień, a ŭ 96% vypadkaŭ hrošy vydavalisia na termin da adnaho miesiaca.
Spažyviecki kredyt — heta hrošy na samyja roznyja asabistyja patreby: ad pakupki padarunka na dzień naradžeńnia da nabyćcia aŭtamabila. 48% takich kredytaŭ biarecca pa schiemie avierdraftu praz zarobkavyja bankaŭskija karty. Jašče 6% — heta metavyja kredyty na aŭtamabili.
Jašče cikavy fakt: uzrovień praterminavanaj zapazyčanaści — usiaho 0,46%, heta značyć, biełarusy pieravažna robiać płaciažy pa kredytach svoječasova.
Ciapier čytajuć
Syny «litoŭskaha špijona» adpravili Łukašenku list. Tym časam uspłyli novyja detali jaho spravy9
Kamientary