Siamiejnuju paru rasijan zatrymali ŭ Aŭstralii pa padazreńni ŭ špijanažy
Pa viersii palicyi, słužačaja armii Aŭstralii tajna pryjechała ŭ Rasiju i prainstruktavała muža, jak pierasłać joj sakretnyja źviestki. Pakul pary pahražaje da 15 hadoŭ turmy, ale pakarańnie mohuć zrabić až da pažyćciovaha
U Aŭstralii zatrymali dvuch hramadzian rasijskaha pachodžańnia pavodle padazreńnia ŭ padrychtoŭcy da zboru źviestak pra armiju dla pieradačy Rasii, paviedamlaje RBK. Heta pieršy vypadak kryminalnaj spravy ab špijanažy z pryniaćcia ŭ 2018 hodzie zakonaŭ u Aŭstralii ab zamiežnym umiašańni.
Aryštavanyja 62-hadovy Ihar Karaloŭ i 40-hadovaja Kira Karalova, radavaja aŭstralijskich abaronnych sił. Jany žyli ŭ Aŭstralii bolš za dziesiać hadoŭ i niekalki hadoŭ tamu atrymali hramadzianstva Aŭstralii. Ich zatrymali ŭ ich domie ŭ Eviertan-parku, pryharadzie horada Brysben. Im pahražaje da 15 hadoŭ źniavoleńnia.
Pa viersii śledstva, Karalova ździejśniła niezadekłaravanuju pajezdku ŭ Rasiju padčas praciahłaha adpačynku, padčas jaje prainstruktavała muža, jak zajści ŭ jaje ŭlikovy zapis i atrymać dostup da materyjałaŭ, jakija nieabchodna joj adpravić.
Palicyja vyśvietlić, ci adbyłasia pieradača infarmacyi, a taksama jak čałaviek z dostupam da sakretnych źviestak zmoh vyjechać u Rasiju.
Paru padazrajuć pa adnym punkcie abvinavačvańnia ŭ padrychtoŭcy da špijanažu. Bolš surjozny artykuł — špijanaž — patrabuje pramoj dakazanaj suviazi z zamiežnaj dziaržavaj i pahražaje turemnym źniavoleńniem na termin ad 25 hadoŭ da pažyćciovaha. U palicyi papiaredzili, što spravu mohuć pierakvalifikavać na bolš strohi artykuł, kali budzie vyjaŭlena novaja infarmacyja.
Sudovaje pasiedžańnie pryznačanaje na 20 vieraśnia.
Špijanaž — nie niejkaja niezvyčajnaja źjava, a całkam realnaja, bo «mnostva krain sprabujuć skraści sakrety Aŭstralii», skazaŭ kiraŭnik raźviedki Majk Biordžes. Jon admoviŭsia kamientavać spravu, bo sud jašče nie razhledzieŭ padazreńni palicyi.
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4545
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie45
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary