Na dalnabojščyka zaviali kryminałku za pravoz maniet hitleraŭskaj Hiermanii. Heta paličyli prapahandaj nacyzmu
Pry praviadzieńni mytnaha kantrolu fury, što prybyła ź Litvy, mytniki vyjavili ŭ kabinie kala 60 srebnych maniet roznaj vartaści i 540 maniet nacysckaj Hiermanii vartaściu dźvie rejchsmarki 1937-1939 hadoŭ vypusku, paviedamlaje Mytny kamitet.
Pieramiaščaŭ ich 30-hadovy kiroŭca, hramadzianin Biełarusi, jaki zajaviŭ słužbovym asobam u punkcie propusku «Kamienny Łoh», što nie maje tavaraŭ, jakija padlahajuć dekłaravańniu.
Košt maniet acenieny ŭ 45 tysiač rubloŭ. Hramadzianin zapłaciŭ kala 5 tysiač rubloŭ štrafu ŭ adpaviednaści z č. 4 art.15.5 KaAP.
Adnak, jak paviedamlaje Mytny kamitet, u «suviazi sa sprobaj pieramiaščeńnia maniet z vyjavaj fašysckaj svastyki ŭ dziejańniach kiroŭcy ŭhledžvajucca prykmiety złačynstva pa art. 341-1 KK Respubliki Biełaruś »prapahanda abo publičnaje demanstravańnie, vyrab, raspaŭsiudžvańnie nacysckaj simvoliki abo atrybutyki».
Materyjały spravy pieradadzienyja ŭ Ašmianski RAUS.
Kamientary