Adrezanaja ad naftapravoda «Družba» Słavakija kupiła siem tankieraŭ nafty ŭ inšych krainach
Paśla spynieńnia pastavak rasijskaj nafty pa trubapravodzie «Družba», jaki byŭ paškodžany 27 studzienia ŭ vyniku rasijskaha avijaŭdaru pa terytoryi Ukrainy, Słavakija vyrašyła dyviersifikavać krynicy syraviny. Naftapierapracoŭčaja kampanija Slovnaft, što raniej całkam zaležała ad rasijskaj nafty, zakazała siem tankieraŭ z Saudaŭskaj Aravii, Narviehii, Kazachstana i Livii, paviedamlaje Reuters.
Nafta budzie dastaŭlacca tankierami ŭ charvacki port, a adtul transpartavacca pa trubapravodzie Adria ŭ Słavakiju. Heta dazvolić zavodu Slovnaft, jaki ŭvachodzić u vienhierskuju hrupu MOL, adnavić pracu na poŭnuju mahutnaść užo ŭ krasaviku. Da hetaha času pradpryjemstva budzie vykarystoŭvać stratehičnyja reziervy, jakija pavodle pravił ES pavinny pakryvać nie mienš za 90 dzion spažyvańnia.
Jeŭrakamisija zajaviła, što karotkaterminovych ryzyk dla enierhietyčnaj biaśpieki Słavakii i Vienhryi niama. Paralelna Brusiel kansultujecca z Ukrainaj nakont terminaŭ ramontu «Družby».
Čechija taksama vykazała hatoŭnaść dapamahčy Słavakii i ŭžo nakiravała nievialiki abjom nafty ŭ zvarotnym kirunku pa «Družbie». Dla bolš maštabnych pastavak spatrebiacca techničnyja źmieny, jakija možna realizavać na praciahu hoda.
U toj ža čas Vienhryja i Słavakija źviarnulisia da Jeŭrakamisii z prośbaj dazvolić im zakuplać rasijskuju naftu marskim šlacham, śćviardžajučy, što Ukraina spyniła tranzit pa palityčnych pryčynach. Adnak u ES sa śniežnia 2022 hoda dziejničaje zabarona na marskija pastaŭki rasijskaj nafty. Charvatyja zajaviła, što praź jaje infrastrukturu mahčyma pavialičyć impart nafty, ale jana nie pavinna być rasijskaha pachodžańnia, bo heta faktyčna spryjaje finansavańniu vajny. Dadatkovaj prablemaj źjaŭlajucca i sankcyi ZŠA suprać bujnych rasijskich naftavych kampanij.
Takim čynam, Słavakija ŭpieršyniu faktyčna pačała admaŭlacca ad poŭnaj zaležnaści ad rasijskaj nafty, šukajučy alternatyŭnyja pastaŭki ź inšych krain.
Vienhryja i Słavakija pierastali pastaŭlać Ukrainie dyzielnaje paliva za admovu ŭ tranzicie rasijskaj nafty
«Para spynić heta vajennaje śpiekulanctva». Charvatyja admoviłasia transpartavać ŭ Vienhryju i Słavakiju rasijskuju naftu, ale hatovaja pamahčy ź inšaj
Spynilisia apošnija pastaŭki rasijskaj nafty ŭ Jeŭrasajuz. Rasija sama razbambiła naftapravod
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna15
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5555
Kamientary