Vyvaz syroj nafty z Rasii ŭpaŭ na 27% za tydzień da 7 lipienia. Takoha značnaha padzieńnia jašče nie było z tych časoŭ, jak Uładzimir Pucin pačaŭ uvarvańnie va Ukrainu, śviedčać źviestki ahienctva Bloomberg, jakoje adsočvaje pieramiaščeńnie sudnaŭ.
Siaredniesutačnyja pastaŭki źmienšylisia ŭ paraŭnańni z papiarednim tydniem na 1 młn barelaŭ — z 3,66 młn da 2,67 młn. Rasija praktyčna nie ekspartavała mienš za 3 młn barelaŭ u sutki z kanca studzienia.
Dynamika za apošnija čatyry tydni, jakaja zhładžvaje vałacilnaść pieravozak, była mienš jarka vyjaŭlenaj: padzieńnie, jakoje skłała 6% (z 3,48 młn da 3,27 młn), akazałasia samym značnym ź lutaha.
Tydniovy ekspart upaŭ pa ŭsich troch napramkach — Čarnamorskim, Bałtyjskim, Cichaakijanskim. Vidavočnych pryčyn dla skaračeńnia niama, ale siarod ich moža być pavieličeńnie pastavak naftapraduktaŭ u vyniku rostu vytvorčaści na NPZ (danyja za pieršyja dni lipienia śviedčać, što jano akazałasia maksimalnym sa śniežnia). Častka zavodaŭ zaviaršyli płanavyja ramonta, a inšyja adnavili vypusk paśla napadaŭ ukrainskich bieśpiłotnikaŭ.
«Rasnafta» i «Łukojł» płanujuć u hetym miesiacy skaracić vyvaz syroj nafty z Navarasijska ahułam na 200 000 barelaŭ za dzień u paraŭnańni z červieńskim ekspartam, śviedčać raźliki Bloomberg.
Jašče adnoj pryčynaj mohuć być abmiežavańni ekspartu z metaj vykanańnia kvoty, uzhodnienaj u ramkach APIEK+.
Kiraŭnik Lidy zaklikaŭ siłavikoŭ nie spyniać palityčnych represij26
Kamientary